NOSABATMO 3:15 - KITAB NU TUMPU ALLA LELE MA'IMAI'

¹⁵ Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

NOSABATMO 3:15 ပူးပေါင်းရင်းမြစ်များ

KAJADIAN 24:12

Lantas posaihon aijo' binalado'amo, “O Tumpu, Tumpu Allah nu tuanku i Abraham, tulungiakon mae, da anu ku lajangakon aiya ko hasinnyo sinaa aiya; kanonongiakon na tuanku i Abraham.

1 TAWARIKH 16:16

Palajanjian aijo' binau-Nyomo tiba i Abraham ka' lapas mae tibamo i Ishak.

1 TAWARIKH 29:18

O Tumpu Allah anu nu sombah i Abraham, i Ishak tiba i Yakub mompolee' mami, de timbali da belento montoa mae kami da mian anu pinalesayamo hi belento sabole-bole mongka'ima'i belento susumo tempo' uuka aiya ka' tulungiakon mae da aha saja' tulu-tulutan hi belento.

2 TAWARIKH 28:9

Samian na nabi nu Tumpu sanggonyo i Obed jojoong i kota' Samaria. Tempo'nyo suludadu nu Israel ninsusule'mo mae ka' nomboamo mae aha mian nu Yehuda anu i hakop, i Obed nonsingkabotimo aha salatan aha ninsoopmo i kota'. Ia notatae, “Belemiu nompatundu'mo mian nu Yehuda kalana Tumpu Allah mompolee' nu belemiu nontambuha'imo aha. Panyo Tumpu nohongomo mosia na belemiu nonsansalaimo ka' nompateimo suludadu nu Yehuda haha aijo'.

MAZMUR 102:12

Kantumuu'anku ola sinaimpotulu sumomo lolung salatan malomo; aku nangkalualemo sumomo hemput.

MAZMUR 102:13

Panyo Belento, o, Tumpu, Tomundo' anu sampe toka sidu-sidutu', sabole-boleh o'inau sampe molapi-lapis na tulunan.

MAZMUR 135:13

O, Tumpu, belento sabole-bolehmo obebakon, ka' sanggo nu belento, iwi-iwi' na lee' nu mian monginau'

MAZMUR 30:4

Belento nompoluputmo mae aku da madi' sinilaka, ka' nompotumuu'mo mae aku da madi' sinilaka susumo mian sangga'at anu sinilakamo.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 15:3

Tumpu aijo'mo na anu madi' opoko ala o hungku'i ka' anu baani, Tumpu, aijo'mo na sanggo-Nyo.

NOSABATMO 3:13

Tinaaman i Musa, “Panyo de aku mamba singkabot to mia-mian nu aha Israel ka' motatae hi aha: 'Tumpu Allah nu mompolee' nu belemiu nonsaimo mae aku toka hi belemiu,' tantu nupokilawa nu aha, 'Ihe na sanggonyo?' Lantas apaa na pontaamingku hi aha?”

NOSABATMO 3:6

Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

NOSABATMO 4:1

Lantas i Musa nontaamimo Tumpu, “Panyo mosia de bisuannyo to mia-mian nu Israel madi' mongka'oho' palesaya ka' madi' mongka'oho' montapali potataengku? Apaa na anu tionyo ku bau de maluannyo aha motatae koonyo nu aha Tumpu madi' nanintoa hi belengku?”

NOSABATMO 4:5

Notatae na Tumpu, “Obau sumo aijo' da to mia-mian nu Israel palesaya taalu' Aku, Tumpu, Tumpu Allah nu mompolee' nu aha, Tumpu Allah i Abraham, i Ishak, ka' i Yakub nanintoamo hi belemiu.”

NOSABATMO 6:2

Aku nanintoamo hi Abraham, hi Ishak ka' hi Yakub salaku Tumpu Allah Anu Daka' hondo na kuasanyo, panyo madi' pinosumbu'-Ku na butong-Ku hi aha; sanggong-Ku 'Tumpu'.

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 26:8

Kami montulutimo kaputusan nu Belento, o, Tumpu, ka' saja'mo montanda'i Belento; Belentomo na anu opuji ka' mule' anu o, inau'nu kinyonyoa mami.

YESAYA 42:8

Akumo na Tumpu, aijo'mo na sanggong-Ku; kaholomatan-Ku madi' Ku bee' maumo pa' hihe; katalasanggoan-Ku madi' suele Ku bee' hi patong.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 33:2

anu nompotimbalimo tano' ka' nombontukmo ka' nompokokomo itampatnyo. Ia notataemo,

DANIEL 2:23

O, Tumpu anu saja' nu sombah nu mompolee'ku, Belento ku puji' ka' ku popodaka'. Kalana Belento nombee'imo mae aku kapandean bapikin tiba kahosonan. Poitaon mami tinalimamo nu Belento. Ka' mule' bau pontaami tomundo' pinotiju'mo nu Belento.”

HOSEA 12:5

Ia nahaluku'mo tiba samian na malaekat ka' ia na nohungku'i. Lantas ia ihumangmo ka' nomoitamo da obalakati. Lapas aijo' kiijo' i Betel Tumpu tinokamo hi Yakub mompolee'to ai-aijo' ka' notataemo hi ia.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

SISIKON NU TO RASUL-RASUL 7:32

‘Akumo na Tumpu mompolee' miu; Aku Tumpu i Abraham, i Ishak, ka' i Yakub.’ I Musa ilakatnyomo nu buhuk sahingga madi' daagi' baani na montoa kuhat aijo'.

PO'ULE' INGULIT 1:11

O Amalakon da Tumpu Allah nu mompole' miu sabole-bole montuangi konjo'nyo nu belemiu, samadala na lipatannyo ka mompotimbali komiu bansa anu sanang sumo anu jinanji'nyomo.

PO'ULE' INGULIT 1:35

‘Madi' ko samiannyo lengkat i tulunan anu maidek aiya mompisopi lipu maomuk' anu jinanji'kumo toka hi mompole'miu.

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.