NOSABATMO 3:13 - KITAB NU TUMPU ALLA LELE MA'IMAI'

¹³ Tinaaman i Musa, “Panyo de aku mamba singkabot to mia-mian nu aha Israel ka' motatae hi aha: 'Tumpu Allah nu mompolee' nu belemiu nonsaimo mae aku toka hi belemiu,' tantu nupokilawa nu aha, 'Ihe na sanggonyo?' Lantas apaa na pontaamingku hi aha?”

NOSABATMO 3:13 ပူးပေါင်းရင်းမြစ်များ

KAJADIAN 32:29

I Yakub notatae, “Poto'i mae na sanggo nu Belento Tuan.” Panyo mian aijo' nontaami, “Madi' palalu nu pokilawa ihe na sanggongku!” Lantas binalakatan-Nyomo na i Yakub.

NOSABATMO 15:3

Tumpu aijo'mo na anu madi' opoko ala o hungku'i ka' anu baani, Tumpu, aijo'mo na sanggo-Nyo.

NOSABATMO 3:12

Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

NOSABATMO 7:16

Poto'i hi tomundo aijo': Tumpu, Tumpu Allah nu aha mian Ibrani nonsaimo mae aku mompotoka hi belento Tuanku da mompobee'mo miannyo anu pinalesayamo hi Ia, mambamo momsombah Ia i padang bolaa. Panyo sangkutnyo uuka aiya belento Tuanku madi' mongka'oho' mohongo-hongo.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

YESAYA 52:6

Kalana aijo' belemiu tionyo ahi' mongakuimo saba' Akumo na Tumpu ka' tempo' aitu detokamo, belemiu monsumbu'je taalu' akumo na notatae hi belemiu.”

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

TO MIA-MIAN KOPIAN 13:6

Lapas aijo' bengkele' i Manoah nambamo hi langkai'nyo ka' notatae, “O langkai'ku, daagi' ko posaihon nu Tumpu Allah tinoke hi belengku; mimbalu-balu' susumo malaekat nu Tumpu Allah sahingga aku nabuhukmo. Aku madi' nompokilawa pa' lengkat mae iya na ia, ka' ia mule' madi' nompoto'i sanggonyo hi belengku.