NOSABATMO 3:12 - KITAB NU TUMPU ALLA LELE MA'IMAI'

¹² Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

NOSABATMO 3:12 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 15:8

Panyo pinokilawa i Abram, “O Tumpu Anu Matangkas hondo na kuasanyo, apaa na bau ponsumbu'anku saba' tano' aitu akumo na tumpunyo?”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 31:3

Lantas pinoto'imo nu Tumpu hi Yakub, “Pinsusule'mo hi lipu' nu tuuma nu beleyum ka' hi to utu-utus nu beleyum. Ku jagaije na beleyum.”

2 TOMU-TOMUNDO' 19:29

I Yesaya nompoto'imo potunonnyo hi Hizkia, “Aiyamo na bau tanda hi beleyum. Taun uuka aiya ka' taun aiya mae i ahop, mian mongkaanmo gandum anu mosi tumuu'. Panyo lapas aijo' aha timbalimo motugan gandum tiba anggur atina'je ka' nu kaan nu aha na hasinnyo.

1 TAWARIKH 9:20

I Pinehas anak i Eleazar – o'amalakon da Tumpu monjagai ia! – toho'mo nongkapalai aha.

MAZMUR 86:17

Bee'i mae tanda na aku, da pontoan taalu' Belento mongkanonongi ahi' mae aku, o, Tumpu da mian anu mongka'ideki mae aku, ma'ambangmo, de nutoamo mae nu aha na Belento montulungimo mae aku ka' mohase'mo mae aku.

NOSABATMO 18:5

I Yitro tinokamo tiba bengkele' i Musa ka' anaknyo ua'aha i padang bola tampat pinombauan i Musa kemah koko bungkutnyo anu susi'.

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

NOSABATMO 3:13

Tinaaman i Musa, “Panyo de aku mamba singkabot to mia-mian nu aha Israel ka' motatae hi aha: 'Tumpu Allah nu mompolee' nu belemiu nonsaimo mae aku toka hi belemiu,' tantu nupokilawa nu aha, 'Ihe na sanggonyo?' Lantas apaa na pontaamingku hi aha?”

NOSABATMO 33:14

Tumpu notatae, “Belemiu Ku jagaije da mohumpak tano' anu jinanji'-Kumo.”

NOSABATMO 4:12

Uuka aiya, lako'mo, Ku tulingije na beleyum motatae ka' mompogulu' apaa na anu tionyo nu taloakon”.

NOSABATMO 4:15

Basale'mo tiba ia, ka' poto'i hi ia apaa na anu tionyo nutaloakon i Harun. Ku tulungije na belemiu ohua' ka' mompogulu' apaa na anu tionyo otaloakon nu belemiu ka' obau.

NOSABATMO 8:27

Kami tionyo ahi' mamba i padang bolaa anu kojo'onnyo tolun sinaa na molajangi mamba monsombahkon koloban hi Tumpu Allah mami, susumo anu pinalentahkon-Nyomo hi kami.”

YESAYA 37:30

I Yesaya nompakatu mule' potuunon aiya sumo uuka hi Hizkia, “Aiya na anu bau tanda hi beleyum. Taun aiya tiba taun anu aiya mae o, ahopi mian mongkaanmo gandum anu mosi tumuu'. Panyo lapas na aijo' aha timbalimo montugan gandum tiba mosu'an anggur ka' mule' molasaimo saidi' mae bua'nyo.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 1:8

Boli mabuhuk hi aha, kalana Ku sangalui ka' Ku jagai na beleyum. Aku, Tumpu notataemo!”

NOMBILANGMO 16:28

Lantas i Musa notataemo; “Tiba jalan anu sumo aija' osumbu'je nu belemiu taalu' Tumpu na nonsai mae aku da iwi-iwi' aiya obau ka' taalu' aijo' misa' ola posi pongka'oho'ku.

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

MARKUS 16:20

Lantas anu saja' mombatuki Ia nambamo ka' nompolele lele lengkat mae hi Tumpu iyayamae. Ka' Tumpu suele mokalaja mohingga-hinggat tiba aha ka' nompotoamo bukuti', i hahan anu okabangangi, saba' apaa na anu pinotokamo nu aha aijo' memang totu'u.] [

SISIKON NU TO RASUL-RASUL 11:21

Kuasa nu Tumpu, daagi' aitu hi aha, sahingga da'isan na mian timbali pinalesaya ka' mombee' butongnyo hi Tumpu.

SISIKON NU TO RASUL-RASUL 7:7

Panyo Aku mohukumje bansa anu mombotuani aha, ka' aha tionyo mosabat lengkat i lipu' aijo' ka' monsombahje Aku i tampat aiya.’

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

TO MIA-MIAN KOPIAN 6:12

Malaekat nu Tumpu aijo' nanintoamo hi ia, “O, olitau anu mahoson ka' baani! Tumpu monsangaja'imo beleyum!”

TO MIA-MIAN KOPIAN 6:16

“Moko ala mombau na beleyum!” na koonyo nu Tumpu, “kalana Akumo na montulungi beleyum. Aha mian nu Midian dengke na beleyum mompatei ola susumo beleyum mongahopi samian.”

TO MIA-MIAN KOPIAN 6:17

Tinaaman i Gideon, “De aku totu-totu'u nuka'ima'i nu belento Tumpu, soba bee'i mae sa'angu' na tanda salaku bau pomponyata' saba' Tumpu na nombee'i mae palentah atina' hi belengku.

TO MIA-MIAN KOPIAN 6:21

Lapas aijo' malaekat nu Tumpu aijo' nompotikmo tuu' nu kau' anu totoong hi ia i antoknyo ka' i roti aijo'. Batu aijo' i noakmo ka' nopapumo madi'mo ko anu tinontuha' na antoknyo ka' roti aijo'. Lapas aijo' madi'mo ko anu tinoa na malaekat aijo'.

TO MIA-MIAN KOPIAN 7:11

Nu hongoje apaa na anu nusale'akon nu sampobali' ka' han aijo' na mompotimbali beleyum baanimo na montumbuhi.” Lantas nambamo na i Gideon tiba i Pura, kiijo' i potempasan pinombauan kemah nu aha sampobali'.

1 SAMUEL 14:10

Panyo de nu laga nu aha na kita mamba hi aha, kita mambamo mokiijo', kalana aijo'mo na tandanyo aha nu bee'mo nu Tumpu hi kita.”