NOSABATMO 3:10 - KITAB NU TUMPU ALLA LELE MA'IMAI'

¹⁰ Uuka aiya beleyum Ku saimo da mangadap hi tomundo Mesir da beleyum timbali molaya' bansang-Ku mosabat lengkat i lipu' aijo'.”

NOSABATMO 3:10 ပူးပေါင်းရင်းမြစ်များ

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

KAJADIAN 15:14

Panyo bansa anu mombotuani lee' nu beleyum aijo' Ku hukum, ka' salatan lee' nu beleyum mompala'imo lipu' aijo' aha momboamo manjoo' na halata'.

MAZMUR 105:26

Lantas Ia nonsaimo i Musa posaihonnyo, ka' i Harun mian anu pinile'an-Nyomo.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

NOSABATMO 12:40

Bansa Israel jinojoong kiijo' mae i Mesir 430 mo na taun na kopinnyo.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 33:12

Daagi' kino sansinaan notataemo na i Musa hi Tumpu, “Tumpu, Belento nompalentahmo aku da molaya' bansa aiya mamba i lipu' anu jinanji'mo nu belento, panyo belento madi' mompoto'i mae ihe na nusai mae nu Belento montulungi aku. O Tumpu, Belento notatae, koonyo nu Belento monsumbu' aku ka' sanang hi belengku,

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

NOSABATMO 6:26

Ua-ua' aha nangadapmo hi tomundo Mesir da ia mompobee' mian nu Israel.

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

SISIKON NU TO RASUL-RASUL 7:36

I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

SISIKON NU TO RASUL-RASUL 7:6

Panyo aiyamo na anu tinaloakon nu Tumpu hi ia, ‘Lee' nu beleyum jojoongje susumo mian tumoka i lipu' nu mian sangga'at. To mia-mian nu lipu' aijo' nompalentah aha talalo hondo nonsakisa pato atu na taun na kopinnyo.

SISIKON NU TO RASUL-RASUL 7:7

Panyo Aku mohukumje bansa anu mombotuani aha, ka' aha tionyo mosabat lengkat i lipu' aijo' ka' monsombahje Aku i tampat aiya.’

TO MIA-MIAN KOPIAN 6:14

Lapas aijo' Tumpu nombee'imo palentah aiya hi Gideon, “Tiba kahosonan ka' kabaanian nu beleyum iwi-iwi', lako'mo lapasakon na mian nu Israel da bolimo nukuasai nu mian Midian. Akumo na anu nompokau beleyum.”

1 SAMUEL 12:6

Lantas po'ule' mule' notatae na i Samuel, “Tumpu na nompile'imo i Musa tiba i Harun ka' anu nomboamo mae mompole' nu belemiu nosabat lengkat mae i Mesir.

1 SAMUEL 12:8

Tempo'nyo i Yakub tiba aha salaigan tinoka i Mesir, ka' aha mian nu Mesir nonsakisamo aha, mompole'nu belemiu nomoitamo tulung hi Tumpu lantas sinaimo nu Tumpu na i Musa tiba i Harun. Ua aha na mian aijo' nomboamo mompole'nu belemiu nosabat lengkat mae i Mesir ka' nontulungimo aha jinojoongmo i lipu' aijo'.