NOSABATMO 28:41 - KITAB NU TUMPU ALLA LELE MA'IMAI'

⁴¹ Popusok na baju' aijo' hi Harun utus nu beleyum ka' to ana-anaknyo. Pipi'i nu lanya' nu zaitun na aha, tiba jalan anu sumo aijo' aha obalakatimo ka' samata-matamo mombau anu Ku palentahkon salaku Imam.

NOSABATMO 28:41 ပူးပေါင်းရင်းမြစ်များ

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 28:4

Ka' pokau mule' na aha mombau anu opokona i saha'an, evod, juba', kameja anu osuji', suluban ka' pombutu'. Baju' nu imam aijo' tionyo ahi' nubau nu aha da nupusok i Harun utus tu'a nu beleyum ka' to ana-anaknyo da mombau anu Ku palentahkon salaku imam.

NOSABATMO 29:24

Potimpas iwi-iwi' na kaanon haha aijo' i lima i Harun ka' to ana-anaknyo ka' pokau na aha monsimpalaakon mae hi beleng-Ku salaku anu sinimpalakon na nonsombahkon.

NOSABATMO 29:35

Mombalakati i Harun ka' to ana-anaknyo tionyo ahi' obau pitung sinaa na kopinnyo, susumo anu pinalentahkon-Kumo hi belemiu.

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

NOSABATMO 29:9

lantas posongko'mo na suluban hi ubak nu aha. Sumo aijo' na bau-baunyo mombalakati i Harun ka' to ana-anaknyo. Aha ka' lee' nu aha tionyo ahi' mombau apaa na anu Ku palentahkon hi aha salaku imam sampe toka sidu-sidutu'.

NOSABATMO 30:35

Opake na aijo' iwi-iwi' de mombaumo kamangian anu opogogalo'akon da manohong. O'una'i timuson da kamangian aijo' tataap ma'ima ka' madi sampa ma'idek ka' timbali opake monsombah Aku.

NOSABATMO 40:13

Popusok na baju' nu imam hi Harun, ka' opipi'imo nu lanya' na ia da ia mokalaja samata-mata hi beleng-Ku salaku imam.

NOSABATMO 40:15

Lantas opipi'i nu lanya' na aha susumo beleyum mompipi'imo nu lanya' tuuma nu aha, da aha suele mokalajamo hi beleng-Ku salaku imam. Tiba jalan mompipi'i nu lanya' aijo' tulunan nu bansa nu aha molundu-lundu na lee' nu aha saja' montoongi pangkat imam.”

YESAYA 10:27

Tempo'nyo aijo' Ku pobebasmo na belemiu da bolimo lewa' nu bee'i nu aha palentah Asyur anu saja' mombee'i palentah monsakisa, ka' aha madi'mo daagi' balakuasa mompalentah belemiu.”

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEHEZKIEL 43:26

Pitunsinaa na to ima-imam tionyo ahi' mombau atulannyo montahbiskan mezbah aijo' ka' momposadia da timbali opake.

IMAMAT 10:7

Boli opala'i na Kemah nu Tumpu da belemiu boli silaka, kalana belemiu binalakatanmo nompake lanya' anu opa-opake mombalakati da mombau anu nupalentahkon nu Tumpu.” Aha nombaumo susumo apaa na anu tinaloakonmo i Musa.

IMAMAT 16:24

Lantas ia tionyo ahi' mindi'mo i sa'angu' na tampat anu samata-mata tinantukanmo bau pindi'annyo ka' mompusokmo posi baju'nyo ahi'. Lapas aijo' tionyo ahi' ia mosabatmo ka' monsombahkon koloban anu opotunu bau pongampuni dosa'nyo ka' dosa' nu bansa Israel.

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

NOMBILANGMO 3:3

Aha binalakatanmo ka' i hangkatmo tinimbali imam, ubak nu aha dinudu'an nu lanya'.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

IBRANI 7:28

Atulan nu agama Yahudi mohangkat mian anu madi' ma'ima' da timbali imam daka'. Panyo salatan noko lapasmo na atulan aijo', Tumpu nojanji'mo ka' sinumpa'nyomo tukoonyo Ia mohangkatmo anu salaku bau Imam Daka', Anak anu pinotimbalimo bau Pomposalamat totu-totu'u ma'ima' sampe toka sidu-sidutu'.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.