NOSABATMO 28:2 - KITAB NU TUMPU ALLA LELE MA'IMAI'

² Bau na baju' nu imam anu i Harun, da otoa na ia mian anu o'angga'i.

NOSABATMO 28:2 ပူးပေါင်းရင်းမြစ်များ

AYUB 40:10

Obunga-bungai na butong nu beleyum nu han anu mompotalasanggo ka' han anu mompopodaka', pake pa' apaa na anu timbali da opuji' ka' da kinyonyoa timbali mian anu ma'ima'.

MAZMUR 132:16

To ima-imam nu aha mompotoamo kasalamatan anu lengkat mae hi belengku; aha mian manyanyimo ka' montaligalaimo kalana lame'mo.

MAZMUR 132:9

O'amalakon da mian anu pinalesayamo hi Belento montaligalai kalana lame'mo, ka' to ima-imam nu Belento saja' tumuu' montuluti pongka'oho' nu Belento.

MAZMUR 149:4

Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

MAZMUR 96:6

Ia talasanggo hondo ka' oholomati. Laigan-Nyo kahokuasa ka' ma'ima'an.

NOSABATMO 28:40

Bau na kameja, pombutu' ka' suluban anu nupake nu to ana-anak i Harun da aha otoa taalu' anu ahi' o adati.

NOSABATMO 29:28

Aiyamo na anu tinantukan-Kumo anu madi' timbali obabali'i; De tokamo na mian anu pinalesayamo hi beleng-Ku monsombahkonmo koloban bau pompodame, saha'an ka' pa'a nu potuu'on aijo' bau bahagian nu to ima-imam. Aijo'mo na anu osombahkon nu mian anu pinalesayamo hi beleng-Ku da bau baging-Ku.

NOSABATMO 31:10

baju' i Harun de momposadiamo monsombah, tiba baju' nu to ana-anaknyo anu tionyo ahi' nu pusok nu aha de mokalajamo salaku imam,

NOSABATMO 40:13

Popusok na baju' nu imam hi Harun, ka' opipi'imo nu lanya' na ia da ia mokalaja samata-mata hi beleng-Ku salaku imam.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

IMAMAT 8:30

Lapas aijo' i Musa nongalamo sambagian na lanya' anu opake' mombalakati ka' sambagian na baso' anu aijo' i mezbah lantas pinipi'akonnyomo hi Harun ka' i to ana-anaknyo tiba baju' nu aha. Tiba jalan anu sumo aijo' i Musa nompotantumo aha ka' baju' nu aha samata-mata anumo nu Tumpu.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

GALATIA 3:27

Komiu iwi-iwi' pinalamandikanmo nu sanggo i Kristus, jadi komiu nontalimamo i butong miu sipat-sipat i Kristus.

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

2 PETRUS 1:17

Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

ANU PINOTO'I HI YOHANES 19:8

Baju'nyo lenan anu jongkilaban binee'mo hi ia da o pusok.” (Baju' lenan aijo' atina'mo na kala-kalakuan ma'ima' anu binaumo nu mian anu pinalesayamo hi Tumpu.)

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”