NOSABATMO 27:21 - KITAB NU TUMPU ALLA LELE MA'IMAI'

²¹ I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

NOSABATMO 27:21 ပူးပေါင်းရင်းမြစ်များ

KAJADIAN 1:5

ka' sinanggohan-Nyomo na jingka aijo' “Sinaa” ka' pintung aijo' “Malom”. Tinom boliu na malom lantas tinimbalimo na sinaa daagi subu. Aijo'mo na sinaa anu momonanyo.

KAJADIAN 1:8

Pongompok aijo' sinanggohan-Nyomo “Langit”. Tinomboliu na malom lantas tinimbalimo na sinaa daagi subu. Aijo'mo na sinaa anu ko ohua'nyo.

2 TAWARIKH 13:11

Toka subu-subu ka' mama lomo, aha mompapuimo kamangian ka' monsombahkonmo koloban anu opotunu hi Tumpu ka' momposadiamo roti anu suele osombahkon. Salatan malomo nututungimo nu aha na sulu' haha aijo' i tengke nu sulu' anu mosoni' na binau. Kami tataap montuluti iwi-iwi' palentah nu Tumpu, panyo belemiu nohikumo Ia.

MAZMUR 134:1

Nyanyian mamba i tampat anu ko balakatnyo. Imbo', da opuji' na Tumpu, o mian iwi-iwi' posaihon nu Tumpu, iwi-iwi' anu monsombah i Laigan-Nyo de malomo.

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 16:34

Lantas i Harun nompotimpasmo kuhon aijo' i ahop nu Peti' Palajanjian da opo una' susumo koonyo nu palentah nu Tumpu hi Musa.

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

NOSABATMO 29:28

Aiyamo na anu tinantukan-Kumo anu madi' timbali obabali'i; De tokamo na mian anu pinalesayamo hi beleng-Ku monsombahkonmo koloban bau pompodame, saha'an ka' pa'a nu potuu'on aijo' bau bahagian nu to ima-imam. Aijo'mo na anu osombahkon nu mian anu pinalesayamo hi beleng-Ku da bau baging-Ku.

NOSABATMO 29:42

Ka' mule' iwi-iwi' na tempo' anu aiya mae i ahop koloban anu opotunu aijo' tionyo ahi' osombahkon i ahop-Ku i sabatan nu Kemah-Ku. Ikiijo' Aku singkabotmo tiba mian anu pinalesayamo hi beleng-Ku ka' motataemo hi beleyum.

NOSABATMO 29:44

Ku potimbalimo na Kemah tiba mezbah aijo' susi'mo. I Harun tiba to ana-anaknyo Ku potimbalimo anu samata-mata mokalaja hi beleng-Ku madi' pokakana sumo sangga'at da aha mombau anu Ku palentahkon salaku imam.

NOSABATMO 30:36

Sambagian na kamangian aijo' tionyo ahi' o uja' sampe sumo labu. Boa mae na aijo' i Kemang-Ku ka' kakambuhakon i ahop nu Peti' Palajanjian. Kamangian aijo' tionyo ahi' o'anggap balang anu susi' anu samata-mata obee' hi beleng-Ku. Boli mombau kamangian anu opogogalo'akon tiba ngangahan nu lampa anu susumo aijo' suele, anu oposi pake nu belemiu.

NOSABATMO 30:8

Anu sumo aijo' tionyo ahi' nu bau suele de ia montutungimo sulu' mamalomo. Kamangian anu osombahkon aijo' tionyo ahi' saja' obau sampetoka sidu-sidutu'.

NOSABATMO 40:3

Posoop i unonyo na Peti' Palajanjian anu ko tulisannyo Sampulu' na Pelentah ka' pokona na hude pongkukumbungi i ahopnyo.

IMAMAT 10:9

“Moko inum anggur kabai inumon anu moko palangu beleyum ka' to ana-anak nu beleyum madi'mo timbali minsoop i Kemah-Ku. De belemiu molanggaimo atulan aijo' belemiu silakamo. Palentah aijo' tionyo ahi' otuluti totu-totu'u nu iwi-iwi' na lee' nu belemiu.

IMAMAT 16:34

Han anu obau aijo' tionyo ahi' obau sataun minsan bau pomposusi' aha bansa Israel i dosa' nu aha iwi-iwi'. Aijo'mo na atulannyo iwi-iwi' anu tionyo ahi' otuluti sampe toka sidu-sidutu'. I Musa nombaumo susumo anu pinalentahkonmo nu Tumpu hi ia.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

IMAMAT 23:14

Ma'isa pe'e momboa anu osombahkon aijo' hi Tumpu, belemiu madi' timbali mongkaan mau ola sangkiding na gandum anu bu'ou aijo', mau daagi' mata, pinanggang kabai tinunu binau roti. Atulan aijo' tionyo ahi' otuluti nu lee' nu belemiu iwi-iwi' sampe toka sidu-sidutu'.

IMAMAT 23:21

Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 24:2

da mombee'i palentah haha aiya hi bansa Israel. Boamae na lanya' nu zaitun anu madi' ko galo'nyo ka' anu talalo hondo ma'ima' da opake i lampu nu Kemah nu Tumpu, da otutungi ka' saja' ia sabole-bole moak.

IMAMAT 24:3

I Harun tionyo ahi' mongkalesang lampu haha aijo' lengkat pe'e mamalom sangkutnyo toka subu i tampat katokaan nu Tumpu i sambiha' nu lalanse' anu mongkukubi Peti' Palajanjian i Salipi' anu Susi' hondo. Palentah aijo' tionyo ahi' obau sampe toka sidu-sidutu'.

IMAMAT 24:9

Roti aijo' bau bagi i Harun ka' lee'nyo. Tionyo ahi' nukaan nu aha i tampat anu susi', kalana roti aijo' sumo-sumomo bahagian anu talalo hondo susi', anu o ala i koloban kaanon anu osombahkon hi Tumpu bau bagi nu to ima-imam.

IMAMAT 3:17

Mian nu Israel madi' hondo-hondo timbali mongkaan lompo'nyo kabai baso'nyo. Atulan aijo' opake sampetoka sidu-sidutu' ka' tionyo ahi' otuluti nu aha batu-batu mian Israel mau mule' pa' iyamo mae na kajojoongannyo.

IMAMAT 3:8

Ikiijo' ia tionyo ahi' mompotiik limanyo i ubak nu domba aijo' lantas o kolot i ahop nu Kemah. Lantas imam tionyo ahi' mondudu'akon baso' nu domba aijo' i opa-opat na sulapa'nyo nu mezbah.

IMAMAT 6:15

Ia tionyo ahi' mongala sangkakup na labu anu ma'ima' hondo tiba lanya' ka' iwi-iwi' na kamangian anu opalalui lantas opotunumo i mezbah salaku bau pontandai saba' iwi-iwi' na koloban aijo' sinombahkonmo hi Tumpu. Nohongnyo nu koloban aijo' momposanangmo kinyonyoa nu Tumpu.

IMAMAT 7:36

I sinaa aijo' Tumpu nompalentahmo bansa Israel da anu nusombahkonmo nu aha obee'mo hi to ima-imam. Atulan aijo' tionyo ahi' otuluti nu bansa Israel sampe toka sidu-sidutu'.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

NOMBILANGMO 18:23

Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

NOMBILANGMO 18:5

Ola beleyum, i Harun, tiba to ana-anak nu beleyum na tionyo ahi' mombau pakalaja'an i Salipi' anu Susi' ka' i mezbah, da madi' Ku tambuha'i na bansa Israel.

NOMBILANGMO 19:21

Atulan aijo' opake sampe toka sidu-sidutu'. Mian anu mompipi'akon uee anu opake i atulan aijo' tionyo ahi' mombaso'i baju'nyo, ka' to mia-mian anu nukonamo nu uee aijo' mahumimi'mo suele sangkutnyo sinaa makakinsapmo.

NOMBILANGMO 35:29

Atulan haha aijo' opojalan kona hi belemiu ka' hi to le-lee' nu belemiu maumo pa' iyaya mae na kajojoongan nu belemiu.

NOMBILANGMO 8:9

Lapas aijo' posihukmo iwi-iwi' na aha mian nu Israel ka' pokau na aha mian nu Lewi tuminjo i ahop nu Kemah-Ku.

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

LUKAS 12:35

“Bajaga-jaga na mongahopi iwi-iwi' na han. Komiu tionyo saja' mosadia mipake ka' sulu'um tataap opomoak,

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 PETRUS 1:19

Mokonyo aijo' kami lebe mule' palesaya totu-totu'u hi potuunon nu Tumpu anu pinolelemo nu to nabi-nabi. Lebe ma'ima' belemiu mongintoomakon potuunon aijo', kalana potuunon aijo' sumo sulu' anu monjingkai tampat anu pintung sampe pe dunia nu jingkai nu hiusinyo nu jingka tolohinsi'mo, ka' jingka nu mandala' sasu kabete'an monjingkaimo uno nu kinyonyoa miu.

ANU PINOTO'I HI YOHANES 2:1

“Toka hi malaikat anu kiijo' i jama'at nu Efesus, tulismo sumo uuka: Aiyamo na potuunon lengkat mae hi Ia anu montoongi popi-popitu' na mandala' i lima koanan-Nyo, ka' i lumajang i olot nu popi-popitu' na tengke nu sulu' mosoni' aijo'.

1 SAMUEL 3:3

ka'i Samuel ihoyotmo koko Peti Palajanjian nu Tumpu i uno nu Kemah anu Susi. Tempo'nyo aijo'sinaa ma'isa binete'ka' sulu' daagi tongko-tongko.

1 SAMUEL 30:25

Lapas aijo' binauakonmo i Daud sa'angu' na atulannyo ka' saja'mo tinulutan nu aha Israel sangkut tempo uuka aiya.