NOSABATMO 24:6 - KITAB NU TUMPU ALLA LELE MA'IMAI'

⁶ Sambagian na baso' nu sapi' aijo' ingala i Musa ka' i lambe'nyo i to mangko-mangko'. Sambagian mule' dinudu'akonnyomo i mezbah.

NOSABATMO 24:6 ပူးပေါင်းရင်းမြစ်များ

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 12:22

Ala na hemput anu batangnyo ko honnyo die' ka' opuuti olobongakon i mangko' anu ko isinyo baso' nu domba aijo' lantas osapuakon i ohi' ohu-ohua' aijo' i sabatan ka' aita' i buannyo nu sabatan aijo' i laigan nu belemiu. Sampe toka dodop daagi' subu madi' timbali ko samian anu atina' hi belemiu mompala'i laigannyo.

NOSABATMO 12:7

Baso'yo sangkiding tionyo ahi osapuakon i ohu-ohua' na ohi' nu sabatan, ka' aita' i buannyo nu sabatan nu laigan anu pongkaanan nu aha.

NOSABATMO 24:8

Lantas i Musa nongalamo baso' i mangko' haha aijo' ka' pinipi'akonnyomo hi aha layat. Ia notataemo, “Baso' aiya mompohosonmo palajanjian anu binaumo nu Tumpu tiba belemiu, susumo anu pinalentahkon-Nyomo aijo'.”

NOSABATMO 29:16

Lantas kolotmo na binatang aijo' ka' ala na baso'nyo ka' dudu'akon i sulapa'nyo opa-opat aijo' i mezbah.

NOSABATMO 29:20

Lantas kolotmo na domba lakinyo aijo', ala sangkiding na baso'nyo ka' sapuakon i bihing anu i aluknyo sasu koanannyo i Harun ka' hi to ana-anaknyo, hi kanumpu nu lima nu aha koanan ka' hi kanumpu nu tengke koanan nu aha. Labinyo nu baso' aijo' tionyo ahi' nududu'akon i sulapa' opa-opat aijo' i mezbah.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

IMAMAT 1:11

Mian aijo' tionyo ahi' mongkolot binatang aijo' i sasu Utara mezbah, lantas to ima-imam tionyo ahi' mondudu'akon baso'nyo i sulapa'nyo opa-opat nu mezbah aijo'.

IMAMAT 1:5

Lapas aijo' okolotmo na sapi' aijo' i ahop nu sabatan nu Kemah. Baso'nyo tionyo ahi' osombahkonmo nu to ima-imam lee' mae i Harun hi Tumpu, lantas odudu'akonmo i sulapa'nyo opa-opat nu mezbah i ahop nu sabatan nu Kemah.

IMAMAT 3:2

Mian anu monsombahkon aijo' tionyo ahi' mompotiik limanyo i ubak nu binatang aijo' lantas o kolot i ahop nu sabatan nu Kemah nu Tumpu. To ima-imam lee' i Harun tionyo ahi' mondudu'akon baso' nu sapi' aijo' i sulapa'nyo opa-opat nu mezbah aijo'.

IMAMAT 3:8

Ikiijo' ia tionyo ahi' mompotiik limanyo i ubak nu domba aijo' lantas o kolot i ahop nu Kemah. Lantas imam tionyo ahi' mondudu'akon baso' nu domba aijo' i opa-opat na sulapa'nyo nu mezbah.

IMAMAT 4:6

Lantas ia tionyo ahi' molobongakon kangkam nu limanyo i baso' aijo' ka' mompipi'akon pimpitun i ahop nu lalanse' anu mongoloti Salipi' Susi'.

1 KORINTUS 11:25

Sumo aitu mule' salatan noko kaan, ingalanyomo na galas nu anggur lantas notatae, “Anggur aiya anu sala'je jinanji'akon nu Tumpu, sinela' nu baso'-Ku. De komiu monginumo aiya, obau na aiya bau ponginau' Aku.”

KOLOSE 1:20

Ka' montului jalan hi Anak-Nyo aijo' mule' Tumpu nomputusimo da mompotimbali iwi-iwi na apaa mompo'ule' ma'ima' tiba Ia – mau iwi-iwi na apaa anu i dunia, mau mule' anu i suluga'. Tumpu nombau aijo' montului jalan Anak-Nyo sinilaka i kau' salib.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.

IBRANI 9:18

Kalana aijo' janji' anu momonanyo suele tionyo o sela' nu baso'.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

IBRANI 9:21

Lapas mule' tiba han anu pokakana sumo aijo', i Musa nompipi'akonmo baso' aijo' suele i Kemah nu Tumpu ka' iwi-iwi' na to paka-pakakas anu opake monsombah Tumpu.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.