NOSABATMO 24:4 - KITAB NU TUMPU ALLA LELE MA'IMAI'

⁴ Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

NOSABATMO 24:4 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 28:18

Dodododopnyo subu-subu, i Yakub tinuminjomo lantas ingalanyomo na batu anu pinakenyo susumo tangonan ka' pinotinjonyo da bau pontandai na batu aijo', da boli okolilimi. Dinudu'akonnyo na lanya' zaitun i batu aijo' salaku bau ponsombahnyo Tumpu Allah.

KAJADIAN 28:22

Ka' tionyo ahi' ku bee'mo hi Tumpu anu sampulu' na bahagian, sambahagian na ku bee' hi Tumpu i han iwi-iwi' apaa na anu nubee' nu Tumpu hi belengku. Batu bau pontandai anu pinotinjongkumo aiya timbalimo bau tampat ponsomban Tumpu.”

KAJADIAN 31:45

Lapas aijo' i Yakub nongalamo sa'angu' na batu ka' pinotinjonyo da batu aijo' bau salaku pontandai.

1 TOMU-TOMUNDO' 11:30

Lantas ingukatmo i Ahia na juba'nyo ka' binea-beaknyomo na juba' aijo' sinampulu' ka' ohua' na beaknyo.

1 TOMU-TOMUNDO' 18:31

Ia nongala sampulu' ka' ohua' na batu, toto sa'angu' na batu mowakini sa'angu' na lee' mae i Yakub, aijo'mo mian anu sinanggohanmo nu Tumpu Israel.

EZRA 6:17

I lamean aijo' aha nonsombahkonmo hi Tumpu 100 na sapi' lakinyo, 200 na domba lakinyo ka' 400 na anak nu domba. Bau koloban pongampuni dosa' sinombahkonmo sampulu' ka' ohua' na mee' lakinyo, anu tinanggungkan mae hi aha totosa'angu' natulunan nu bangsa Israel sa'angu'na mee' lakinyo.

NEHEMIA 10:1

Mian anu momona nontekengi sulat aijo', aijo'mo i Gubernur Nehemia anak i Hakhalya. Lapas aijo' i Zesekiamo. Ilapas na aha aijo' atina'je ka' mian haha aiya suele nontekengimo:

NOSABATMO 17:14

Notataemo na Tumpu hi Musa, “Tulis na ka'untungan aiya nahampate, da saja' o inau'. Poto'i hi Yosua taalu' Aku nompateimo mian nu Amelek.”

NOSABATMO 17:15

Lantas i Musa nompotinjomo sa'angu na mezbah ka' sinanggohannyomo “Tumpu aijo'mo na nompo untung aku Nahampate.”

NOSABATMO 21:1

Lantas Tumpu notataemo hi Musa, “Bee' na atulan haha aiya hi bansa Israel:

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

NOSABATMO 28:21

Toto sa'angu' na mainan aijo' tionyo ahi' otulisi sala'sa'angu' na sanggo nu anak i Yakub anu sampulu' ka' ohua' salaku tanda da boli okolilimi na tulunan nu bansa Israel.

NOSABATMO 34:27

Tumpu notatae hi Musa, “Tulis na potataeng-Ku aiya, kalana tiba potatae aijo' Aku mombaumo palajanjian tiba beleyum ka' tiba bansa Israel.”

YESAYA 19:19

Tempo'nyo aijo' ipuso nu lipu' Mesir daagi'mo ko sa'angu' na mezbah bau ponsomban Tumpu, ka' ipotempasannyo sa'angu' na ohi' batu anu salaku bau tanda monginau' Tumpu.

IMAMAT 24:5

O'ala sampulu' ka' ohua' na kilogram na labu anu ma'ima' hondo ka' baumo sampulu' ka' ohua' na roti anu timpodon, toto sa'angu', sa'angu' na kilogram na labu'anu obau.

NOMBILANGMO 17:2

“Poto'i na aha mian nu Israel da mombee'i mae beleyum tokon sampulu' ka' ohua', batu-batu tompukan nu tulunan nu bansa mombee'mo mae sa'angu' na tokon, ka' tionyo ahi' obee' hi to pola-polaya' nu tulunan nu bansa. Sanggo nu polaya'nyo opotulis i tokonnyo,

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

GALATIA 2:9

I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

YOSUA 4:20

Tinoka ikiijo' i Yosua nontambunmo sampulu' ka' ohua' na batu anu ingala i totonga' nu Yordan.

YOSUA 4:5

lantas pinoto'inyomo, “Lako' i totonga' nu Kaunyo nu Yordan, i ahop nu Peti Palajanjian nu Tumpu Allah nu belemiu. Toto samian tionyo ahi' mohangkat sa'angu' na batu ikiijo' – konjoo'nyo sampulu' ka' ohua' na batu sumo konjoo'nyo nu to tulu-tulunan nu bansa Israel.

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.