NOSABATMO 24:3 - KITAB NU TUMPU ALLA LELE MA'IMAI'

³ Lantas i Musa nambamo ka' nombebakonmo hi bansa aijo' iwi-iwi' na palentah ka' atulan nu Tumpu. Aha iwi-iwi' nontaami hingga-hinggat, “Obaumo mami iwi-iwi' na anu tinaloakonmo nu Tumpu.”

NOSABATMO 24:3 ပူးပေါင်းရင်းမြစ်များ

2 TAWARIKH 15:14

Notataemo na aha daka-daka' binasumpa' hi Tumpu koonyo nu aha nu toongimo nu aha dodo-dodo na janji' aijo'. Lapas aijo' aha lewa'mo nolo'ais ka' lewa'mo nompuuhi tolompet.

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

MAZMUR 50:5

Ia notatae, “Posihukakon iwi-iwi' na mian anu palesayamo hi Beleng-Ku, anu nombaumo palajanjian tiba Aku ka' pinohosonmo nu koloban anu kinolotmo.”

NOSABATMO 19:8

Aha iwi-iwi' nontaamimo hingga-hinggat, “Kami mongka'oho' mombau iwi-iwi' apaa na anu tinaloakonmo nu Tumpu, ka' pinontaami nu aha aijo' pinotokamo i Musa hi Tumpu.” Lantas notataemo na Tumpu hi Musa, “Aku tokaje mae hi beleyum i uno nu kundom anu butolu hondo; nuhongoje nu to mia-mian na Aku motatae hi beleyum, ka' otampu'uni aijo', aha saja'mo palesaya hi beleyum.

NOSABATMO 24:2

Ola posi beleyum na toka mae mongohani Aku. Sangga'at madi' timbali toka mae oha-ohani ka' mule' layat madi' timbali mindako mae i bungkutnyo aiya.”

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

HAGAI 2:5

Salatanmo belemiu nosabatmo mae lengkat i Mesir Aku binalajanji'mo saja' monjagai belemiu. Jadi boli belemiu bata-bata.

MALEAKHI 2:10

Temisa' kita iwi-iwi' aiya ko tuuma ahi anu pokakana? Temisa' kita iwi-iwi' aiya pinotimbali ahi' nu Tumpu anu pokakana? De sumo aijo' kadaka' kita bubuu'mo madi' nontuluti palajanjian ka' mule' tiba jalan aijo' madi'mo nontuluti palajanjian anu bianumo nu Tumpu tiba mompolee'to?

PO'ULE' INGULIT 11:1

“Kanonongi na Tumpu Allah nu belemiu, ka' saja' otuluti na palentah-Nyo iwi-iwi'.

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 4:45

Han aijo' binaunyo salatan noko posabatmo na aha lengkat mae i Mesir ka' jinojoongmo i bangka'nyo sasu kabete'an Kaunyo nu Yordan mompaha ahop tiba kota Bet-Peor. Da'erah aijo' u'utu mae da'erah i tomundo Sihon tomundo nu mian Amori, anu naipuan mae nompalentah kota Hesybon. I Musa ka' bansa Israel nompatundu'mo ia tempo'nyo aha nosabat mae i Mesir.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

PO'ULE' INGULIT 5:31

Panyo beleyum, Musa po'ule' pinsusule' mae ka' jojoongmo i aiya tiba Aku; beleyum Ku bee'imo iwi-iwi' na atulan ka' palentang-Ku. Pogulu'akon hi aha, da aha montuluti de tokamo i lipu' anu Ku bee'mo hi aha.’

PO'ULE' INGULIT 6:1

“Tumpu Allah nompokaumo aku da mompogulu' iwi-iwi' na atulan aiya hi belemiu da obau nu belemiu i lipu' anu madi'mo pin o jojoongimo nu belemiu.

YOSUA 24:21

Sahingga aha mian nu Israel haha aijo' nontaamimo “Madi'! Kami madi' palesaya ka' mohongo-hongo to pilo-pilogot sangga'at. Kami palesayamo ka' mohongo-hongomo samata-mata Tumpu!”

YOSUA 24:22

Lantas i Yosua notataemo, “Jadi posi belemiumo na timbali sakisi tukoonyo nu belemiu, belemiu nompoto'imo palesayamo ka' mohongo-hongomo Tumpu.” “Totu'u,” na koonyo nu aha, “posi kamimo na timbali sakisi.”

YOSUA 24:24

Lantas mian haha aijo' notataemo hi Yosua, “Kami palesayamo ka' mohongo-hongomo ola samata-mata hi Tumpu, Tumpu Allah-nto. Kami montulutimo palentah-Nyo iwi-iwi'.”