NOSABATMO 24:18 - KITAB NU TUMPU ALLA LELE MA'IMAI'

¹⁸ Lantas i Musa balomo nindako sampe ia ninsoopmo i uno nu kundom aijo'. Pinatompulu' na sinaa ka' pinatompulu' na pihi, na i Musa jinojoongmo i kiita' mae.

NOSABATMO 24:18 ပူးပေါင်းရင်းမြစ်များ

1 TOMU-TOMUNDO' 19:11

“Posabatmo mae atina' i liang,” na koonyo nu Tumpu hi ia, “tinjo aita' i bungkutnyo mongahopi mae Aku.” Lantas Tumpu notulumo kiijo', panyo mombun na momona notulu makansang hondo, sahingga to bungku-bungkutnyo nobiha'mo ka' to bungku-bungkutnyo nu batu noposo-poso'mo. Panyo Tumpu madi' nanintoa i mombun aijo'. I lapas na mombun aijo' tinoka mule' na luulu', panyo' hau-haunyo ko luulu' aijo', Tumpu madi' ahi' nanintoa.

1 TOMU-TOMUNDO' 19:8

I Elia nobulamo ka' nongkanmo ka' nonginummo. Sahingga ia nahosonmo ka' noko alamo lumajang pinatompulu' na sinaa na kinopinnyo namba i Bungkutnyo nu Sinai, tampat pinanintoan nu Tumpu Allah.

NOSABATMO 19:20

Tumpu nintatau'mo aita' i bawo nu Bungkutnyo nu Sinai, ka' nolagamo i Musa da mokiita'mo i bawo nu bungkutnyo aijo'. Lantas i Musa nindakomo,

NOSABATMO 25:1

Tumpu notatae hi Musa,

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

NOSABATMO 9:29

Notataemo na i Musa hi Tomundo, “Malia-lia'je ku do'akon de aku tokamo i sambiha'nyo nu kota, ku tangkakonje na limangku mokiita' hi Tumpu. Gohung madi'mo lumontup ka' ujan eis madi'mo tudun, da nusumbu' nu belento Tuanku taalu', dunia aiya anu nu Tumpu.

NOSABATMO 9:33

Lantas i Musa nompala'imo i tomundo ka' nambamo nosabat i kota; ikiijo' mae ia nontangkakonmo limanyo ka' binalado'amo hi Tumpu, sahingga tempo'nyo aitu madi'mo kino gohung, ujan eis ka' ujan.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

MATIUS 4:2

Patom pulu' na sinaa ka' patom pulu' na pihi i Yesus madi' nongkaan. Lantas Ia nongoa'imo no ohop.

MARKUS 1:13

Patompulu' na sinaa Ia jinojoong i kiijo', sinobaan nu Ibilis. To bina-binatang anu ma'ela' suele kiijo' tiba Ia, ka' to mala-malaikat anu mongkalibosi Ia.

LUKAS 4:2

I kiijo' Ia sinobaanmo nu Ibilis patompulu' na sinaa na kinopinnyo. Tempo'nyo aitu, madi' toho' ko anu kinaan-Nyo. Ahennyo Ia nongoa'imo no'ohop.

PO'ULE' INGULIT 10:10

“Pinatompulu' na sinaa ka' pinatompulu' na pihi na aku jinojoong aita' i bungkutnyo susumo anu binaungkumo uuka mae momona. Daagi' ininsan na Tumpu nohongo aku ka' Ia sinetujumo madi' monsilakai belemiu.

PO'ULE' INGULIT 5:31

Panyo beleyum, Musa po'ule' pinsusule' mae ka' jojoongmo i aiya tiba Aku; beleyum Ku bee'imo iwi-iwi' na atulan ka' palentang-Ku. Pogulu'akon hi aha, da aha montuluti de tokamo i lipu' anu Ku bee'mo hi aha.’

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.

PO'ULE' INGULIT 9:25

Ku sumbu' na Tumpu kahanda'mo mompagala monsilakai belemiu. Sahingga kopinnyo pinatompulu' na sinaa ka' pinatompulu' na pihi, na aku dinumaladupu i ahop nu Tumpu

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.