NOSABATMO 24:11 - KITAB NU TUMPU ALLA LELE MA'IMAI'

¹¹ To pola-polaya' nu aha Israel aijo' nontoamo Tumpu Allah; mau mule' sumo aijo' aha madi' sinilakan-Nyo. Lapas aijo' aha nongkaanmo ka' nonginumo.

NOSABATMO 24:11 ပူးပေါင်းရင်းမြစ်များ

KAJADIAN 16:13

I Hagar nompotutugakonmo i uno nu kinyonyoanyo, “Pa' totu'u na aku montoamo Tumpu Allah anu mompalahatikan mae kantumuu'anku?” Sahingga ia nonsanggomo Tumpu anu notataemo mae hi ia, “O Tumpu Allah anu Mompalahatikan mae Kantumuu'anku”.

KAJADIAN 18:18

Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije?

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

1 TOMU-TOMUNDO' 21:8

Jadi i Izebel nontulismo sulat nongala sanggo i Ahab ka' pinokampitnyomo na segel nu tomundo' i sulat aijo'. Sulat aijo' pinakatunyo hi to pola-polaya' ka' hi to tu'a-tu'anyo anu kiijo' i Yizreel.

2 TAWARIKH 23:20

To sulu-suludadu anu toto tangka-tangkas na pangkatnyo, ka' to mia-mian anu talasanggo, ka' to mia-mian anu ko pangkatnyo mokalaja i pamalentah, ka' iwi-iwi' na mian da'isan nombatukimo i Yoyada momboa i Tomundo Yoas mamba i laigan nu tomundo lengkat mae i Laigan nu Tumpu. Aha ninsoop nontulu sabatan daka' anu o'angga'i lantas i tomundo pinosuhangmo i kasuhangan nu tomundo.

NEHEMIA 2:16

Mau pe'e samian madi' ko anu nonsumbu'-sumbu' na to tu'a-tu'anyo nu mian da'isan pa' noyo na aku namba, ka' pa'apaa na anu ku kahanda'imo ku bau. Kalana sampe tempo'nyo aitu aku ma'isa nompoto'i apa-apaa hi to mia-mian sangko bansangku, mau hi to ima-imam kabai hi totu'a-tu'anyo, kabai hi to mia-mian anu bapangkat, ka' maumo pa' hi he anu saidi' mae mombau hingga-hinggat kota' Yerusalem.

MAZMUR 139:5

Belento nontiikubimo mae aku, titiikup, ka' jinaganmo mae na aku nu kuasa nu Belento.

NOSABATMO 18:12

Lapas aijo' i Yitro nomboamo tino pia-piangkuka na koloban anu otunui ka' koloban anu o kolot da osombahkon hi Tumpu Allah. I Harun ka' to pola-polaya' iwi-iwi' nu aha bansa Israel tinokamo ka' nongkaanmo hingga-hinggat tiba i Yitro ka'ingatuhanmo nu Tumpu Allah.

NOSABATMO 19:21

ka' Tumpu notataemo hi ia, “Pintatau'mo ka' poto'i hi mian haha aijo' taalu' aha madi' timbali so' molanggai tempas de mamba mae montoa Aku. De aha sabole-bole molanggai, manjoo' na aha anu mate.

NOSABATMO 24:1

Lapas aijo' Tumpu notataemo hi Musa, “Pindakomo mae mangadap hi beleng-Ku, beleyum tiba i Harun, i Nadap ka' i Abihu, ka' aha pitumpulu' na to pola-polaya' nu bansa, ka' tolodadupumo mae nonsombah Aku, atina' mae jo'o-jo'on.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

DANIEL 10:17

Aku sumomo samian na posaihon anu tinjo-tinjo i ahop nu tuannyo. Mosia na jadi na aku motatae hi belento Tuanku? Aku ilundengmo ka' mule kinyonyoangku nahahunsa'ano hondo.”

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

NOMBILANGMO 21:18

Bubung anu kineke nu to tu'a-tu'anyo ka' to pola-polaya' nu bansa, kineke nu tokon nu kapalentahannyo ka' tiba tokon aijo' salaku tanda kakuasa'an nu aha.” Lengkat i padang bola aha nolalinmo namba i Matana,

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 4:33

Pa' daagi' ko bansa anu sabole-bole tinumuu' salatan nohongomo pilogot notatae hi aha aijo' mae i apu, susumo anu tina'upmo nu belemiu?

TO MIA-MIAN KOPIAN 13:22

Lantas i Manoah notatae hi bengkele'nyo, “Kita tantu silakamo kalana nontoamo Tumpu Allah!”

TO MIA-MIAN KOPIAN 5:13

Suludadu anu me tuha'nyo tinokamo hi polaya' nu aha, aha tinokamo ka' kahanda'mo mahampate montinjohakon Ia.