NOSABATMO 24:10 - KITAB NU TUMPU ALLA LELE MA'IMAI'

¹⁰ ka' aha nontoamo Tumpu Allah nu aha Israel tinuminjomo aita' mae anu lupanyo sumo salo, te batu mainan na binau buhitnyo mobilu' sumo langit najingkamo.

NOSABATMO 24:10 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

KAJADIAN 32:31

Salatan sinaa binete'mo, pinala'ianmo i Yakub na Pniel, ka' ia pinengko'mo kalana losuan nu lampeokannyo tinonggoisi'mo.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

NOSABATMO 24:11

To pola-polaya' nu aha Israel aijo' nontoamo Tumpu Allah; mau mule' sumo aijo' aha madi' sinilakan-Nyo. Lapas aijo' aha nongkaanmo ka' nonginumo.

NOSABATMO 3:6

Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

NOSABATMO 33:20

Ohup-Ku madi' Ku potoa hi belemiu, kalana madi' timbali mian montoa Aku ka' tataap sabole-bole tumuu'.

NOSABATMO 33:23

Lantas Ku hambetje na limang-Ku da beleyum timbali montoa Aku aiya mae i hiku, panyo ohup-Ku madi' nu toa.”

NYANYIAN ANU TALASANGGO 5:14

Limanyo ma'ima' hondo ko sinsingnyo mosoni' ka' ko matanyo, butongnyo mimbalu-balu' bese' nu gaja binunga-bungaan nu batu nilam.

NYANYIAN ANU TALASANGGO 6:10

ihe na ia anu tinoka mae aijo' mimimbalu-balu' jingka anu bete'mo mae, sumomo bitu'on tumba na ko ima'nyo, ka' mule' sumomo jingka nu batu nu sinaa? Ia talalo hondo momposanang nyawa, sumomo suludadu tiba bandela'nyo.

MOHAANGI 4:7

Naipuan mae to pola-polaya' mami madi' ko anu opisala'i susumo kapas anu pute' hondo. Aha betek ka' mahoson, bikas ka' madi' ko panyakit.

YEHEZKIEL 1:1

Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

YEHEZKIEL 10:1

Lantas aku nonsindamo nokiita' anu susumo piboloyuk ibuan nu ubak nu malaekat ka' aku notoamo daagi' ko anu sumo tampat kajojoongan, batu nilam na binau.

DANIEL 10:17

Aku sumomo samian na posaihon anu tinjo-tinjo i ahop nu tuannyo. Mosia na jadi na aku motatae hi belento Tuanku? Aku ilundengmo ka' mule kinyonyoangku nahahunsa'ano hondo.”

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

MATIUS 17:2

I ahop nu aha, i Yesus nongabali'mo, misa'mo sumo butongnyo biasa: Ohup-Nyo tinimbalimo najingka sumo sinaa, ka' pakean-Nyo mopute' jongkilaban.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 6:46

Aijo' misa' alati'nyo au'aitu daagi' ko mian anu nontoamo Tuuma. Ola Ia anu tinoka lengkat mae hi Tumpu na anu nontoamo Tuuma.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 21:11

tiba kahandan ka' katalasanggoan nu Tumpu. Kota aijo' jongkilaban sumo batu mainan, sumo batu anu moho-moho' sumo intan anu talalo jongkilaban.

ANU PINOTO'I HI YOHANES 4:3

Ohup nu mian aijo' jongkilaban sumo mainan anu jongkilaban mobilu' ka' sumo mainan dalima. Ka' sa'angu' na tandalo' sumo batu nu mainan anu ko angga'nyo, buhitnyo mobilu' montikubi kasuhangan aijo'.