NOSABATMO 23:8 - KITAB NU TUMPU ALLA LELE MA'IMAI'

⁸ Boli mongala doi pombayan palakala da otinjohi na mian aijo', kalana doi pombayan palakala aijo' mompopaha mian sahingga madi'mo montoa anu totu'u ka' mompolugi'mo to mia-mian anu madi' ko sala'nyo.

NOSABATMO 23:8 ပူးပေါင်းရင်းမြစ်များ

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

MAZMUR 26:10

Aha saja'mo nombau palabuatan anu ma'idek, ka' saja' mongindi da otamboi na mombau palabuatan anu ma'idek.

AMSAL 15:27

Ihe na molio ka'untungan anu madi' halala' mompateimo posi auannyo; panyo ihe na mongka'ideki doi anu bau ponsogo' saidi' mae kantumuu'annyo sanang.

AMSAL 17:23

Mian kopian anu tageo' nakinyonyoanyo montalima doi bau ponsogo' anu opohowini; ka'madi' mompojalan ka'adilan.

AMSAL 17:8

Daagi ko anu monsangka doi ponsogo' timbali mombau anu okabangangi; tiba doi ponsogo iwi-iwi' timbali jadi na kalaja.

AMSAL 19:4

Mian anu kaya, sangalunyo saja' mintuang; mian anu kasiasi na ola mule' ahi' nupala'i nu sangalunyo.

ANU MOMPOLELE POTATAE NU TUMPU 7:7

De mian anu pande mongakali, ponga' na palabuatannyo aijo'; de mian montalima doi anu pinonsogo' pikilannyo na'idekmo.

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YESAYA 5:22

Silakamo na belemiu anu pa inum anggur! Belemiu baani hondo ka' talapuji' de opogogalo'akon na inumon anu moko palangu!

YESAYA 5:23

Panyo ola kalana mohumpakmo doi anu abu pontamboi, sahingga belemiu mompobebasmo anu kokasala'annyo ka' mombanta mian anu madi' kokasala'annyo da madi' pokonai ka'adilan.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

HOSEA 4:18

Salatan aha malangu'mo kalana monginumo manjoo' na anggur, sanangmo na kinyonyoa nu aha masala'. Aha lebe mongka'ima'i o alu ka' madi' mongka'ima'i oholomati.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 8:3

Panyo aha madi'mo nontiho kalakuan nu tuuma nu aha, panyo ola molio posi kauntungan nu aha. Aha mongala doi bau pontamboi palakala, ka' mongulus palakala nu mian madi' adin.