NOSABATMO 23:7 - KITAB NU TUMPU ALLA LELE MA'IMAI'

⁷ Boli mompokona kasala'an anu madi' totu'u ka' boli monsaduakon mian anu madi' ko sala'nyo mohumpakmo hukuman opatei, kalana Aku madi' mompototu'u mian anu mombau ka'idekan sumo aijo'.

NOSABATMO 23:7 ပူးပေါင်းရင်းမြစ်များ

KAJADIAN 18:23

I Abraham nongohanimo Tumpu ka' nompokilawa, “Totu'u kita Tumpu kahanda'mo monsilakai mian anu madi' ko sala'nyo hingga-hinggat tiba mian anu ko sala'nyo?

AYUB 22:23

Po'ule'mo balatobat hi Tumpu ka' bolimo beleyum mindaka-daka' na kinyonyoa, ka' hahan anu ma'idek i uno nu laigan nu beleyum bolimo daagi' nu bau.

MAZMUR 119:29

Pojo'onakon mae na aku da madi' montulu jalan anu madi' totu'u, kalana Belento manonong potiju'akon mae na aku atulan nu Belento.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

NOSABATMO 20:13

Boli mompatei.

NOSABATMO 20:16

Boli timbali sakisi anu madi' totu'u hi mian sangga'at.

NOSABATMO 23:1

“Boli mombebeakon lele anu madi' totu'u ka' boli montulungi mian anu ma'idek na kinyonyoanyo ka' mule' anu mombee'i katalangan anu madi' totu'u.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

AMSAL 11:21

Mian anu ma'idek na kinyonyoanyo memang mohumpakmo hukuman; panyo mian anu manonong mohumpakmo kasalamatan.

AMSAL 17:15

Tumpu mongka'ideki mian anu mompototu'u mian anu palaganta; ka' mompisala'i mian anu madi' kosala'nyo.

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YESAYA 5:20

Silakamo na belemiu anu monggeo-geo'akon han anu totu'u tiba anu ma'idek, anu i uno nu lahasia tiba anu memang osumbu', anu mapakat tiba anu matami'!

IMAMAT 19:11

Boli mombuling, mongakali kabai baleko'.

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

NAHUM 1:3

Memang Tumpu madi' malia' pusa, panyo Ia mule' talalo ahi' balakuasa sahingga de ihe na mombau kasala'an, madi' Nu pobebas ihukuman. Iya mae na kalajangan nu Tumpu ikiijo' tokamo mae na antong anu daka' hond, itampat panimpeja'an nu tengke-Nyo ikiijo' abu' timbali kundom.

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.

PO'ULE' INGULIT 27:25

‘Kinutukan na mian anu mongala tambo mompatei mian anu madi' ko sala'nyo.’ ‘Amin!’

1 TESALONIKA 5:22

Opatikojo'oni iwi-iwi' na ngangahan nu ka'idekan.