NOSABATMO 23:6 - KITAB NU TUMPU ALLA LELE MA'IMAI'

⁶ O'ulus na mian misikin adi-adin de ia toka mongkalak palakalanyo hi mian kopian.

NOSABATMO 23:6 ပူးပေါင်းရင်းမြစ်များ

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 31:13

Salatan posaihonku notusa'mo kalana haknyo gineguanankumo, kuhongo-hongomo ahi' na ia ka' ku baumo hodi-hodi' na kinyonyoangku.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 22:22

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa.

AMSAL 31:5

Kalana de tomundo' monginumo inumon anu moko palangu nu kolilimimo na atulan ka' madi'mo montapali haknyo nu mian anu madi'mo moko ala mombau apa-apaa.

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 5:23

Panyo ola kalana mohumpakmo doi anu abu pontamboi, sahingga belemiu mompobebasmo anu kokasala'annyo ka' mombanta mian anu madi' kokasala'annyo da madi' pokonai ka'adilan.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEREMIA 6:28

Aha iwi-iwi' saja motomuhuk ka' panggaga hondo, sumomo ahi' ko kuutnyo nu tambaga ka' besak. Aha saja mombau palabuatan anu mabusik ka' lumajang pa' momoya mombebakon lele anu mombusiki sanggo nu mian sangga'at.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 27:19

‘Kinutukan na mian anu mongagoi halata' nu mian anu lengkat mae i salipu'an, anak anu madi'mo ko tuuma ka' tinanyo ka' anu balu.’ ‘Amin!’

1 SAMUEL 8:3

Panyo aha madi'mo nontiho kalakuan nu tuuma nu aha, panyo ola molio posi kauntungan nu aha. Aha mongala doi bau pontamboi palakala, ka' mongulus palakala nu mian madi' adin.