NOSABATMO 23:3 - KITAB NU TUMPU ALLA LELE MA'IMAI'

³ De mongulus palakala nu mian boli obeda-bedakon maumo anu o'ulus aijo' mian anu kasiasi.

NOSABATMO 23:3 ပူးပေါင်းရင်းမြစ်များ

NOSABATMO 23:6

O'ulus na mian misikin adi-adin de ia toka mongkalak palakalanyo hi mian kopian.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 22:22

Boli mompolugi' mian anu kasiasi, ola kalana ia madi' mahoson ka' i pomputusian palakala boli mongagoi anu nu mian anu madi' moko ala mombau apa-apaa.

YESAYA 10:1

Silakamo na belemiu kalana nombaumo atulan-atulan anu madi' adin na mombei palentah anu monsakisa bansang-Ku.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

AMOS 5:12

Sinumbu'kumo, talalo ahi' manjoo' na palabuatan nu belemiu anu ma'idek ka' talalo ahi' manjoo' na dosa' nu belemiu. Belemiu mongkabisa'i mian anu Tobas; belemiu montalima ponsogok ka' mompojohok mian anu kasiasi da obau madi' adin i pomputusian palakala.

PO'ULE' INGULIT 1:17

Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.