NOSABATMO 23:2 - KITAB NU TUMPU ALLA LELE MA'IMAI'

² Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

NOSABATMO 23:2 ပူးပေါင်းရင်းမြစ်များ

KAJADIAN 19:4

Panyo ma'isa pe'e to mia-mian anu sinonso' aijo' lako' i hoyot, to mia-mian nu Sodom nontumbuhimo laigan aijo'. Iwi-iwi' na to momo'ane i kota aijo' anu motu'amo kabai daagi' olitau, nokiijo'mo.

KAJADIAN 6:12

Tumpu Allah nontoa dunia aijo' me saja' nontoa anu toto ide-idek, kalana manusia iwi-iwi' na'idekmo na kantumuu'annyo.

KAJADIAN 7:1

Lantas notataemo na Tumpu hi Nuh, “Ku toa na beleyum montuluti pongka'oho'-Ku. Jadi, pinsoopmo i uno nu kapan atina' tiba bengkele' nu beleyum ka' to ana-anak nu beleyum.

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

AYUB 31:34

Pikilan nu mian da'isan madi' ku kabuhuk, ka' mian mongalu mae madi'mo ku pajuli. Madi' toho' aku jinojoong i laigan kabai me ola momohokot, ola kalana nabuhukmo dumo saidi' mae o'alu.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

AMSAL 1:15

Boli mombatuki to mia-mian anu susumo aijo' o anakku! Boli osasuhi na aha.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 4:14

Boli montuluti mosia na kantumuu'an nu mian anu ma'idek na kinyonyoanyo, ka' boli montiho palabuatan nu aha.

YEREMIA 37:15

Aha notambuha'mo hondo hi belengku ka' nompalentahmo da aku opahandokeakon ka' otahanmo i laigan i Yonatan julutulis nu negara. Laigan aijo' pinojadimo salaku talungku'.

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

YEREMIA 38:9

“Tuan Anu Opopodaka', palabuatan nu mian haha aijo' madi' ma'ima'. Aha nonguluakonmo i Nabi Yeremia i uno nu bubung; ia tantu silakamo nu ohop ikaiyong, kalana anu okaan i kota' aiya ningkotmo.”

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

HAGAI 1:4

“O mian-Ku anu pinalesayamo pa' tinokamo na tempo'nyo belemiu jojoong i unonu laigan anu ma'ima' an ka' madodo, yo aijo' Laigan-Ku me susumo laigan anu na'idekmo?

MARKUS 15:15

I Pilatus mongka'oho' momposanang mian da'isan aijo' sahingga ia nonsabatakon i Barabas da aha sanang. Lapas aijo' ia nonsai mian momboboti i Yesus, lantas nombee' Ia da o salibkan.

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 25:9

Panyo i Festus mongka'oho' mongala kinyonyoa nu mian Yahudi. Sahingga nompokilawa hi Paulus, “Mongka'oho' na beleyum mamba mokiijo' i Yerusalem da oputusi i kiijo' mae i ahopku mongkona pontuuk haha aijo'?”

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

PO'ULE' INGULIT 1:17

Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.