NOSABATMO 23:12 - KITAB NU TUMPU ALLA LELE MA'IMAI'

¹² Anom sinaa i uno nu sa'angu' na duminggu belemiu timbali mokalaja, panyo sinaa ko ipitunnyo belemiu tionyo ahi' milawemo da potuu'on nu belemiu, to posa-posaihon ka' to mia-mian anu lengkat mae i salipu'an anu mokalaja hi belemiu milawemo suele.

NOSABATMO 23:12 ပူးပေါင်းရင်းမြစ်များ

NEHEMIA 13:16

Pa' aha sangkuka na mian nu Tirus anu jinojoongmo i Yerusalem nomboamo ikan ka' ngangahan anu balang sangga'at anu mamba opobaluk i Yerusalem kinakonamo i sinaa nu Sabat, da opobaluk hi aha mian nu Yahudi.

NOSABATMO 16:23

I Musa notataemo hi aha, “Aiya na palentah nu Tumpu: Dodop samata-mata sinaa pilaweanmo, sinaa nu Sabat, sinaa anu osombahkonmo hi Tumpu. Apaa na anu kahanda' otunui nu belemiu sinaa aiya, tunuimo, ka' apaa na anu kahanda' o unjang nu belemiu, unjangmo. Labinyo nu anu opalalui sinaa aiya, posi po iwi'mo ka' po una' bau kapalaluan dodop.”

NOSABATMO 23:11

Panyo i taun ko popitu'nyo tano' aijo' bolimo daagi' osu'ani. Sataun aijo' na kopinnyo belemiu madi' timbali mongala apa-apaa, anu mosi tumuu' i ale' nu belemiu aijo'. Bakasmo na aijo' da baumo bagi nu mian anu kasiasi, ka' tuha'nyo baumo bagi nu binatang anu ma'ela'. Baumo suele sumo aijo' na ale' nu anggur, ka' to kau-kau' zaitun anu nu belemiu.

NOSABATMO 34:21

Anom sinaa na nokalaja; boli mokalaja i sinaa ko ipitunnyo mau mule' aijo' loonumo nu pompajekoan kabau loonumo nu pompadakan.

NOSABATMO 35:2

Anom sinaa na mokalaja, panyo sinaa ko ipitunnyo aijo' sinaamo pilawean, sinaa daka' anu ponsombanmo Tumpu. Ihe na mokalaja i sinaa nu Sabat tionyo ahi' mohumpak hukuman opatei.

NOSABATMO 35:3

Sinaa aijo' belemiu madi' timbali momposun apu i laigan nu belemiu.”

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

MARKUS 2:27

Lantas i Yesus notatae mule', “Sinaa nu Sabat binau bau kapentingan nu mian; misa' mian bau sinaa nu Sabat.

LUKAS 13:14

Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”