NOSABATMO 23:1 - KITAB NU TUMPU ALLA LELE MA'IMAI'

¹ “Boli mombebeakon lele anu madi' totu'u ka' boli montulungi mian anu ma'idek na kinyonyoanyo ka' mule' anu mombee'i katalangan anu madi' totu'u.

NOSABATMO 23:1 ပူးပေါင်းရင်းမြစ်များ

KAJADIAN 39:17

Salatan langkai'nyo tinokamo nalia-lia' na ia nonsisik hi ia, pinoto'inyo, “Mian nu Ibrani anu binoa mae nu belento aijo', ninsoopmo i uno nu salipi' kahanda'mo mongambangi aku.

2 SAMUEL 16:3

Lantas pinokilawa mule' i tomundo' hi ia, “Iyamo na i Mefiboset makumpu nu tuan nu beleyum, i Saul?” “Ia daagi sakiijo'nyo i Yerusalem.” Tinaaman i Ziba, “kalana sinumbu'nyomo hondo-hondo, uuka aiya mian nu Israel po ule'mo mompotinjo kalaja'an i Saul, kai'nyo, obee'mo hi ia.”

2 SAMUEL 19:27

Ka' mule' anu madi' totu'u sinisiknyomo hi belento Tomundo' anu ola mongidei sanggongku. Panyo belento Tomundo' sumomo ahi' malaekat nu Tumpu Allah. Kalana aijo' baumo pa' apaa na anu o'oa'i nu belento ma'ima' Tomundo'.

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 120:3

O mian anu pangakali, apaa na nu bau nu Tumpu hi beleyum? Apaa na anu bau pohukum-Nyo belemiu?

MAZMUR 15:3

anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

MAZMUR 27:12

Boli mombee' aku i pisuu nu mian anu mongewamo mae aku, anu molambanimo mae aku nu potatae toto bale-baleko' ka' kahanda'mo mompatei mae.

MAZMUR 35:11

Sakisi-sakisi anu toto ide-idek na kinyonyoanyo nongewamo mae aku, ka' nontuukmo mae aku koonyo nu aha nombaumo hahan anu madi' kusumbu'.

NOSABATMO 20:16

Boli timbali sakisi anu madi' totu'u hi mian sangga'at.

NOSABATMO 23:7

Boli mompokona kasala'an anu madi' totu'u ka' boli monsaduakon mian anu madi' ko sala'nyo mohumpakmo hukuman opatei, kalana Aku madi' mompototu'u mian anu mombau ka'idekan sumo aijo'.

AMSAL 10:18

Mian anu mompohowini mongka'ideki mian aijo'mo na anu saja' mongakali. Mian anu lewa' mompitana'i aijo'mo na mian anu ponga' hondo.

AMSAL 12:17

Montaeakon anu totu'u aijo' alati'nyo mian montinjohakon ka'adilan; panyo baeko aijo' alati'nyo mian mombau da madi' ko kaadilan.

AMSAL 14:5

Sakisi anu madi' tageo' na kinyonyoanyo saja' montaeakon anu sahondo-hondonyo; panyo sakisi anu madi' opalesaya saja' baleko'.

AMSAL 17:4

Mian anu ma'idek na kinyonyoanyo montuluti tanga'an anu ma'idek; panyo anu baleko' mongka'ima'i mohongo potatae anu mompitana'i.

AMSAL 19:28

Mombee'i katalangan anu madi' totu'u alati'nyo madi' montee atulan, monsilakai mian; ma'ima' na nu oa'i nu mian anu ma'idek na kinyonyoanyo.

AMSAL 19:5

Mian anu baleko' kiijo' i pomputusian palakala, madi' ko madi'nyo tionyo ahi' o hukumo.

AMSAL 19:9

Mian anu baleko' kiijo' i pomputusian palakala ia tionyo o hukum ka' opateimo.

AMSAL 21:28

Katalangan nu anu baleko' madi'timbali opalesaya; panyo katalangan nu mian anu monsumbu' bau-baunyo nu palakala, timbali otalima.

AMSAL 24:28

Boli timbali sakisi hi mian sangga'at de madi' ko anu osumbu sumbu' na han nu palakala aijo, bolimo mule' mombaleko'i ia.

AMSAL 25:18

Monsangka anu madi' totu'u timbali monsilakai, sumomo bajak, malatelu, kabai pana' anu matajom.

AMSAL 25:23

Mombun nu utara tantumo mompotoka mae ujan; sumo aitu mule' na lewa' monsisik anu ma'idek hisangalunyo monsaduakon da motambuha'.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

IMAMAT 19:11

Boli mombuling, mongakali kabai baleko'.

IMAMAT 19:16

Boli lewa' mombebakon sisik anu madi' totu'u hi to mia-mian sangko bansa nu belemiu, da belemiu boli monsaduakon kapatean hi bubuu' belemiu manusia. Akumo na Tumpu.

MATIUS 19:18

“Palentah anu mosia na aijo'?” koonyo nu mian aijo'. I Yesus nontaami, “Boli mompatei, boli masala', boli montomang, boli timbali sakisi baleko',

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

LUKAS 3:14

Daagi' mule' ko' suludadu anu nompokilawa, “Mosia na kami? Apaa na tionyo obau mami?” I Yohanes nontaami, “Boli mompagala mongala mau mule' pa' hi he, ka' boli mongagoi doi, pula-pula mompisala'i anu madi' totu'u. Sukupmo na gajium!”

YOHANES 7:51

“Koonyo nu Atulan, batu-batu mian madi' timbali o hukum de ma'isa pe'e palakalanyo ohongo, ka' anu binaunyomo o palesa.”

ROMA 3:8

Ka' kadaka' kita madi' timbali montaloakon, “Sahanyo kita mombau anu ma'idek da lubat na ka'ima'an?” Memang daagi' ko to mia-mian anu mongalu aku, nontaloakon tukoonyo, aku nontaloakonmo sumo aijo'. To mia-mian anu sumo aijo' nukonamo na o hukum nu Tumpu.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

PO'ULE' INGULIT 5:20

Boli timbali sakisi anu baleko' kona hi mian sangga'at.

2 TIMOTIUS 3:3

Aha madi' mongkalibosi sangko mian, madi' mongka'ima'i mongampuni, aha mongka'ima'i mombusi-busiki sanggo nu mian sangga'at, mongka'ima'i mompakisa, aha masigo ka' madi' mongka'ima'i ka'ima'an.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.

ANU PINOTO'I HI YOHANES 12:10

Lantas aku nohongo potatae anu daka', i suluga' nontaloakon, “Uukamo aiya na tempo'nyo Tumpu momposalamatmo mian anu pinalesayamo hi Ia! Uuka aiya Tumpu mompotoamo kuasa-Nyo salaku Tomundo! Uuka aiya Tomundo anu Momposalamat anu jinanji'mo aijo' suele mompotoamo kakuasa'an-Nyo! Kalana anu mompisala'i to Utu-utusto i ahop nu Tumpu sinaa ka' malom, sinabatakonmo lengkat mae i suluga'.