NOSABATMO 22:9 - KITAB NU TUMPU ALLA LELE MA'IMAI'

⁹ De pahantuda'an mongkona halata', pa' sapi', keledai, domba, pakean kabai maumo pa' apaa na anu nolapus lantas po'ule' i humpak, to mia-mian anu mangaku ia na tumpunyo tionyo ahi' oboa i tampat ponsomban. Mian anu nupoto'i nu Tumpu Allah salaku mian anu ko sala'nyo tionyo ahi' mombayan pinduan lipat hi tumpunyo.

NOSABATMO 22:9 ပူးပေါင်းရင်းမြစ်များ

KAJADIAN 31:39

Anu i nate sina'u nu binatang mahangas madi' toho' ko anu binoangku mae hi kita Babo', panyo akumo na nombolosi. Anu binuling nu mian sinaa kabai pihi, saja' otuntut nu kita Babo' da ku bolosi.

1 TOMU-TOMUNDO' 8:31

De daagi' ko samian anu o tumpak nombaumo kasala'an hi mian sangga'at ka' oboamo mae i mezbah nu Belento i uno nu laigan ponsomban aiya da osumpa' au'aitu ia madi' ko sala'nyo,

2 TAWARIKH 19:10

De to sanga-sangalu nu belemiu anu lengkat mae i kota sangga'at mongkalak hi belemiu palakala nompatei mian, nolanggaimo atulan nu agama kabai atulan nu pamalentah, belemiu tionyo ahi' mompokinde'i aha. Tiba jalan anu sumo aijo', aha madi'mo mohumpak kasala'an hi Tumpu, ka' Tumpu madi'mo montambuha'i beleyum, sumo aitumo mule' hi aha. Sabole-bole obau na palentah aiya da belemiu madi' mohumpak kasala'an.

NOSABATMO 22:10

De samian anu mompotuu' keledai, sapi', domba kabai potuu'on sangga'at anu nu sangalunyo. Mamanga mae potuu'on aijo' natemo, binelaon kabai ingagoan nu mian padahan madi' ko anu nonsakisi.

NOSABATMO 22:28

Boli monsumpa'akon Tumpu Allah ka' boli montotobi'akon to pola-polaya' bansa nu belemiu.

MATIUS 18:15

“De utusum baladosa' hi beleyum, lako' hi ia ka' opoto'i na kasala'annyo. Obau na aijo' hoko-hokot, ola posi komiu ua'aha. De ia mombatuki potataeum, saba' ko hasinnyo na beleyum po'ule' nohumpak utusum aijo'.

MATIUS 18:35

I Yesus nompomingkot sisik-Nyo nu potatae sumo uuka, “Sumo aijo'mo na Tuumang-Ku i suluga' mombau komiu toto samian, de madi' sanang na komiu mongampuni utusum.”

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.