NOSABATMO 22:27 - KITAB NU TUMPU ALLA LELE MA'IMAI'

²⁷ kalana olamo aijo' na hudenyo nu pusok da mamut na butongnyo. De madi'mo osule'akon hi ia te daagi' apaa na nu pusok bau pinsabutnyo de ia hoyotmo? De ia momoita mae tulung hi beleng-Ku, saba' Ku bee'mo apaa na anu i hongong-Kumo kalana Aku mongkalibosimo.

NOSABATMO 22:27 ပူးပေါင်းရင်းမြစ်များ

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

1 TOMU-TOMUNDO' 2:8

Mongkona i Simei anak i Gera anu lengkat mae i kota Bahurim i da'erah nu aha Benyamin, suele daagi' ko anu ku potuun hi beleyum. Tempo'nyo aku namba i Mahanaim, i Sime'i aijo' u'utu mae nontotobi'akonmo aku tinalalomo hondo. Panyo' lapas aijo' tempo'nyo ia tinokamo molalabot aku i Kaunyo Yordan, aku binasumpa'mo hi ia i uno nu sanggo nu Tumpu tukoongku aku madi'mo mompatei ia.

1 TOMU-TOMUNDO' 2:9

Panyo uuka na anu ku potuun hi beleyum: boli opobebas na ia hi hukuman. Ku sumbu' na beleyum pande hondo; jadi mau mule' ia i langkai'mo hondo sabole-bole o usahakon da ia o be'i hukuman mate.”

2 TAWARIKH 30:9

De belemiu po'ule'mo palesaya hi Tumpu, saba' to mia-mian anu nomboamo to utu-utus nu belemiu salaku mian anu i hakop mongkalibosimo ka' mompobee'mo mae aha minsusule'. Tumpu Allah nu belemiu aijo'mo na Tumpu Allah anu manonong ka' mongkalibosi; Ia po'ule' mongala belemiu de belemiu po'ule'mo minsusule' hi Ia.”

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 72:12

Kalana ia nompobebasmo anu lewa' osakisa anu madi'mo, moko ala mombau apa-apaa, ka' mian anu kinasiasimo anu nomoitamo tulung hi ia.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

NOSABATMO 22:23

De belemiu mongkabisa'i aha, Aku, Tumpu mohongomo aha de aha momoitamo mae tulung hi beleng-Ku.

NOSABATMO 34:6

Lapas aijo' Tumpu notulumo hi ahop i Musa ka' notatae, “Akumo na Tumpu, Tumpu Allah anu saja' mongkanonongi ka' mongkalibosi. Kalibosan-Ku saja' molabi-labi, Aku saja' sabaan ka' madi' malia' pusa.

ANU MOMPOLELE POTATAE NU TUMPU 10:20

Boli monselidiki tomundo' mau ola i kinyonyoa. Boli lewa' monsisik ma'idek mian anu kaya, mau ola i salipi' kaka male'an nu beleyum. Ihe na monsumbu' nu hongo nu sa'angu' na tomonsi' apaa na anu tinaeakonmo nu beleyum lantas nu poto'imo hi aha anu sinisikmo nu beleyum.

YESAYA 19:20

Mezbah tiba ohi' ai-aijo' salaku baut anda saba' Tumpu Anu Daka' na Kuasanyo kiijo'mo i Mesir. Ia monsaimo mae samian da momposalamat aha.

PO'ULE' INGULIT 24:10

De belemiu momposabon apa-apaa hi bubuu' belemiu boli minsoop i laigannyo kahanda' mongala baju'nyo da bau ponggadeinyo mae.