NOSABATMO 22:26 - KITAB NU TUMPU ALLA LELE MA'IMAI'

²⁶ De komiu mongala juba' anu nu mian sangga'at salaku bau ponggadei samaya'nyo, juba' aijo' tionyo ahi' osule'akon nu belemiu ma'isa pe'e sinaa makakinsap,

NOSABATMO 22:26 ပူးပေါင်းရင်းမြစ်များ

AYUB 22:6

De utus nu beleyum madi'mo moko ala mombayan samaya'nyo, nu agoimo nu beleyum na baju'nyo iwi-iwi'.

AYUB 24:3

Keledai anu nu anak anu ingunonmo madi'mo ko tinanyo ka' tuumanyo, pinopalaihakonmo nu aha; sapi' nu mian anu binalumo, ingalamo nu aha binau ponggadei.

AYUB 24:7

Ia madi' ko sabut ka' baju', da mamut na butongnyo de hoyotmo malom.

AYUB 24:9

Mian anu ma'idek na kinyonyoanyo nombotuanimo anak anu madi' mo ko tinanyo ka' tuumanyo, ka' nongalamo bungamea' nu mian anu kasiasi anu ko samaya' hi ia.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

AMSAL 20:16

Ihe na mongka'oho' montanggungi samaya' nu mian sangga'at, timbali o'ala na halata'nyo salaku bau ponggadei anu jinanji'nyomo.

AMSAL 22:27

Saidi mae de beleyum madi'mo moko ala mombayali, kamale'an nu beleyum nu ala mo nu aha.

YEHEZKIEL 18:16

kabai sola' mompakisa mian, kabai sola' mombulingi mian maumo pa' ihe. Balang-balang anu bau ponggadei nu mian anu ko samaya' hi ia saja' ahi' nu sule'akon. Mian anu mo'ohopmo nu bee'i mongkaan ka' mian anu madi'mo ko baju'nu bee'i baju'.

YEHEZKIEL 18:7

Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

PO'ULE' INGULIT 24:6

De belemiu momposabon apa-apaa hi mian sangga'at boli mongala batu anu opake ponggiling gandumnyo salaku bau ponggadei. De mongalamo batu aijo, belemiu mongagoimo pakakas anu opake nu auwannyo bau kantumuu'an nu aha.