NOSABATMO 22:22 - KITAB NU TUMPU ALLA LELE MA'IMAI'

²² Boli monsusa'i taha-tahahumo anu balu kabai anak anu unon.

NOSABATMO 22:22 ပူးပေါင်းရင်းမြစ်များ

AYUB 31:16

Ma'isa toho' aku madi' nontulungi mian anu kasiasi hondo, kabai ola lewa' nompojohok to balu-balu tumuu' susa' anu madi'mo ko anu nupitaha-taha'imani nu aha.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

AMSAL 23:10

Boli hondo-hondo molalin tempas nu tano', nu pusaka' kabai tano' nu anu unon madi'mo ko tuuma ka'tinanyo.

AMSAL 23:11

Kalana Tumpu atina'mo na montinjohi iamo na anu montinjohi aha mongewa beleyum.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEREMIA 7:7

De belemiu mombali'imo jalan nu kantumuu'an nu belemiu tiba kalakuan nu belemiu ka' mule' madi'mo mombau iwi-iwi' aijo', Ku pobee'mo na belemiu tataap jojoong ilipu' aiya anu binee'-Kumo salaku tano' pusaka' hi mompolee' nu beleyum.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

ZAKHARIA 7:10

Boli mongkabisa'i anu balu, to ana-anak anu madi'mo ko tuumanyo ka' tinanyo, to mia-mian anu i salipu'an mae anu tataapmo atina' hi belemiu kabai ihehemo na anu i uno nu kasusa'an. Ka' boli ahi' mombau tanga'an anu ma'idek hi sangko manusia.’

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 23:14

Silakamo na komiu to gulu-gulu' agama ka' to mia-mian nu Farisi: Komiu ola ahi' mombau pula-pula. Komiu mongakali to balu-balu ka' mongagoi laigannyo ka' da bau pongkukubi ka'idekan aijo' komiu mompomantan balado'a. Aijo' nasababnyo komiu o hukum maboat!]

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

PO'ULE' INGULIT 15:9

Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

PO'ULE' INGULIT 24:18

O inau' saba' belemiu toho'mo suele binotuanan i Mesir ka' pinobebasmo nu Tumpu Allah nu belemiu; mokonyo aijo' binee'ankumo na belemiu atulan aiya.

PO'ULE' INGULIT 27:19

‘Kinutukan na mian anu mongagoi halata' nu mian anu lengkat mae i salipu'an, anak anu madi'mo ko tuuma ka' tinanyo ka' anu balu.’ ‘Amin!’

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.