NOSABATMO 22:2 - KITAB NU TUMPU ALLA LELE MA'IMAI'

^2-4 Ia tionyo mombolosi anu binulingnyo. De madi' ko anu daagi' hi ia apa-apaa, iamo na opobaluk susumo botuan bau pombolosi anu binulingnyomo. De anu binulingnyo aijo' sapi', keledai kabai domba, ka' daagi' i humpak hi mian aijo' daagi' tumuu', ia tionyo mombolosi de sa'angu' na potuu'on obolosi ohua' na potuu'on. De samian na anu mombuling pihi o hakop i uno nu sa'angu' na laigan lantas ia pinateanmo, mian anu nompatei aijo' madi' ko sala'nyo. Panyo de han aijo' binau sina-sinaa, mian anu nompateimo sala'.

NOSABATMO 22:2 ပူးပေါင်းရင်းမြစ်များ

AYUB 24:14

Daagi' subu-subu hondo mian anu topo patei nobulamo madi' mo ia i hoyot, lantas mosabatmo mamba mompatei mian anu kasiasi hondo madi'mo ko apa-apaa, ka' de ma'isa mopatas dodop subu, ia daagi' lewa' monggogiap susumo mian anu montomang.

AYUB 24:16

Mian anu lewa' mombuling mongguili laigan tonga' bongi'; de sinaamo ia madi' manintoa i jingka ka' maninsulukmo.

AYUB 30:5

Aha sinegan na nolaa' susumo nolaa' mian anu tomang.

YEREMIA 2:34

Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

YOËL 2:9

Aha nontumbuhimo i uno nu kota' ka' nopadeka'mo aita i pagan mesen. Aha noliba'mo i uno nu to lai-laigan; susumo anu mombuling, aha minsoopmo i tolongan.

MATIUS 24:43

O inau' na aiya! De tumpu nu laigan monsumbu' jam sangkuka pihi na anu montomang toka, ia madi' timbali hoyot, da anu montomang aijo' madi' minsoop i laigannyo.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

1 PETRUS 4:15

Boli ko samian itina' hi komiu mongoa'i kasansala'an kalana ia topo patei, kabai pambuling, kabai anu saja' mombau idek, kabai kalana ia monggalo'i ulusan nu mian sangga'at.