NOSABATMO 22:18 - KITAB NU TUMPU ALLA LELE MA'IMAI'

¹⁸ Ihe-he na boune anu mompokonai hame tionyo opatei.

NOSABATMO 22:18 ပူးပေါင်းရင်းမြစ်များ

YESAYA 19:3

Apaa na anu nu tanga'imo nu aha Mesir, Ku baumo da madi'mo jadi ka' mompohentemo kinyonyoa nu aha da aha madi'mo kosumangat. Aha momoitamo tulung hi pilogot nu aha, momoitamo pokinde' ka' pikilan hi to sando-sando tiba hi to tomi-tominuat pa' apaa na anu timbali obau.

YEREMIA 27:10

Aha mongakalimo belemiu sahingga belemiu oboamo jo'o-j'on opala'imo na lipu' nu belemiu. Ku laa'mo na belemiu da madi'mo jojoong ilipu' nu belemiu, ka' belemiu silakamo.

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

IMAMAT 18:23

Mo'ane kabai boune boli hondo-hondo moduhus tiba binatang, palabuatan anu ma'idek aijo' mohumimi'imo belemiu.

IMAMAT 19:26

Boli mongkaan baso'. Boli mompake pangatahuan.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

IMAMAT 20:27

Toto samian na mo'ane kabai boune anu montunde' santuu' nu mian anu sinilakamo opahambunu'akon nu batu sampe mate. Mian aijo' nate kalana posi kasala'annyo.”

IMAMAT 20:6

Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

SISIKON NU TO RASUL-RASUL 19:19

Ka' aha anu biasa mompake ilimuu' ponsumbu'an, nompolimu'mo to kita-kitab nu aha ka' pinapuannyomo i ahop nu mian da'isan. Oli nu kita-kitab haha aijo' de opotuang iwi-iwi'mo ugaat limampulu' na madala na doi salaka.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

PO'ULE' INGULIT 27:21

‘Kinutukan na mian anu masala'mo tiba binatang.’ ‘Amin!’

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

1 SAMUEL 28:3

I Samuel sinilakamo ka' ia ihaanganmo nu aha iwi-iwi' mian nu Israel ka' ilamunmo kiijo' i kinajojoongannyo i kota' Rama. U'utu mae i Saul nolaa'mo iwi-iwi' na anu lewa' montahi'i tiba bolian anu lewa' montunde' tominuat da boli jojoong i Israel.

1 SAMUEL 28:9

Boune aijo' nontaami, “Tantu belento Tuan nonsumbu'mo, saba' i Tomundo' Saul nolaa'mo iwi-iwi' na anu lewa' montahi'i ka' bolian anu lewa' montunde' tominuat da bolimo jojoong i Israel. Kadaka' belento Tuan kahanda'mo monsilakai aku sahingga aku opateimo?”