NOSABATMO 22:14 - KITAB NU TUMPU ALLA LELE MA'IMAI'

¹⁴ De ihe-he na mian nonsabon sa'angu' na potuu'on lantas potuu'on aijo' belaon kabai mate tempo'nyo aijo' tumpunyo madi' ko anu i tampat aijo', anu nonsabon tionyo ahi' mombayan pombolosi kalugi'an.

NOSABATMO 22:14 ပူးပေါင်းရင်းမြစ်များ

PO'ULE' INGULIT 15:2

Sumo uuka na mongatun. Batu-batu mian nu aha Israel anu momposabon doi hi aha mian sangko bansanyo, tionyo ahi' mohapusmo samaya'nyo aijo', kalana Tumpu nompoto'imo samaya' aijo' i hapusmo jadi madi'mo daagi' timbali opoita.

IMAMAT 24:18

De ihe na mompatei binatang nu mian sangga'at, ia tionyo ahi' mombolosi. Atulannyo 'nyawa obolosi nu nyawa.'

NOSABATMO 21:34

tumpunyo nu bubung aijo' tionyo ahi' mombayan bau pombolosi kalugi'an hi tumpu nu potuu'on aijo', panyo timbali nu ala hi ia na potuu'on anu ina-inatemo aijo'.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

NOSABATMO 22:11

Han anu sumo aijo' ia tionyo ahi' mamba i tampat ponsomban ka' basumpa' i sanggo nu Tumpu ka' montaloakon tukoonyo ia madi' nombuling potuu'on anu pinoki potuu'mo hi aha. De memang ia madi' nombuling, tumpunyo tionyo ahi' mombayan pombolosi kalugi'an aijo' ka' mian anu nompotuu'mo madi'mo timbali mombayan pombolosi kalugi'an.

MATIUS 5:42

De komian mompoita apa-apaa hi komiu, bee'iakonmo na ia. Ka' boli mule' tolo madi' himian anu mongka'oho' mosabon apa-apaa hi beleyum.”

MAZMUR 37:21

Mian anu ma'idek na kinyonyoanyo monsabon hi mian ka' madi'mo daagi' monsule'akon panyo mian anu ma'ima' na kinyonyoanyo na mombee'i ahi' ka' sanang ahi' na kinyonyoanyo.

NEHEMIA 5:4

Ka' daagi' mule' ko anu notatae, “Nonsabonmo doi bau polunasi hasin anu tinantukanmo i tomundo', aijo'mo hasin nu ale' sosu'anon sangga'at, ka' mule' ale' nu anggur mami.

NOSABATMO 22:13

De potuu'on aijo' kinaan nu sangko binatangnyo, anu nompotuu' tionyo ahi' mompotoa bukunyo anu tinontuha' bau sa'angu' na bukuti' hi tumpunyo, madi'mo pilenje ia mombayan binatangnyo bau pombolosi kalugi'an.

NOSABATMO 22:15

Panyo de tempo'nyo aitu daagi' ko tumpunyo ikiijo' anu nonsabon madi' pilenje mombayan pombolosi kalugi'an. De potuu'on aijo' bau pongalapan tambo, kalugi'annyo baumo pombolosi tambonyo.”