NOSABATMO 22:12 - KITAB NU TUMPU ALLA LELE MA'IMAI'

¹² De potuu'on aijo' binuling nu mian sangga'at, saba' mian anu nompotuu'mo tionyo ahi' mombayan pombolosi kalugi'an hi tumpunyo.

NOSABATMO 22:12 ပူးပေါင်းရင်းမြစ်များ

KAJADIAN 31:39

Anu i nate sina'u nu binatang mahangas madi' toho' ko anu binoangku mae hi kita Babo', panyo akumo na nombolosi. Anu binuling nu mian sinaa kabai pihi, saja' otuntut nu kita Babo' da ku bolosi.

NOSABATMO 22:11

Han anu sumo aijo' ia tionyo ahi' mamba i tampat ponsomban ka' basumpa' i sanggo nu Tumpu ka' montaloakon tukoonyo ia madi' nombuling potuu'on anu pinoki potuu'mo hi aha. De memang ia madi' nombuling, tumpunyo tionyo ahi' mombayan pombolosi kalugi'an aijo' ka' mian anu nompotuu'mo madi'mo timbali mombayan pombolosi kalugi'an.

NOSABATMO 22:13

De potuu'on aijo' kinaan nu sangko binatangnyo, anu nompotuu' tionyo ahi' mompotoa bukunyo anu tinontuha' bau sa'angu' na bukuti' hi tumpunyo, madi'mo pilenje ia mombayan binatangnyo bau pombolosi kalugi'an.

NOSABATMO 22:7

De daagi' ko mian anu mompahakona lantas mompo'una' apa-apaa sumo doi kabai balang anu ko angga'nyo. Panyo lapas aijo' anu pino'una' aijo' binulinganmo. De anu nombuling o humpakmo, ia tionyo ahi' mombayan pinduan lipat.