NOSABATMO 21:2 - KITAB NU TUMPU ALLA LELE MA'IMAI'

² De belemiu mongoli samian na botuan posi bansa nu belemiu, ia tionyo mokalaja hi belemiu anom na taun. I taun anu ko popitu'nyomo ia tionyo opobebasmo ahi' ka' madi' palalu obayan nu maumo pa' apaa.

NOSABATMO 21:2 ပူးပေါင်းရင်းမြစ်များ

KAJADIAN 27:28

O'amalakon da Tumpu Allah mombee'i ujan lengkat mae i langit, da mompotimbali iwi-iwi' na ale' nu beleyum molumba'! O'amalakon da Ia mombee'i beleyum gandum ka' anggur molabi-labi!

KAJADIAN 27:36

I Esau notatae, “Aiyamo na ko pinduannyo ia nongakali aku. Pantasmo na sanggonyo i Yakub. Ia nongalamo hakku salaku anak tumpe, ka' u'uka aiya ia nongala mule' balakat anu aku ahi' na tumpunyo. Te belento Tuuma madi'mo ko balakat sangga'at bau bagingku?”

2 TOMU-TOMUNDO' 4:1

Daagi' kino sansinaan balu nu samian na nabi nambamo hi Elisa ka' nompoto'i, “Kita Tuuma, langkai'ku sinilakamo! Ka' osumbu'mo nu belento Tuuma saba' ia suele mian anu tulu-tulutan hondo hi Tumpu Allah, panyo daagi' ko samaya'nyo hi mian. Sahingga mian aijo' tinokamo mae nongala anaku ua-ua'aha aha ka' nu baumo nu aha posaihon, salaku pombayan samaya' nu Tuuma nu aha aijo'mo langkai'ku sisinilakamo.”

NEHEMIA 5:8

ka' pinoto'ingkumo, “Kita binala'usahamo hondo totu-totu'u nontokongi to utu-utusto mian nu Yahudi anu paya bemanau' nompobalukmo butongnyo hi bansa anu i salipu'an. Panyo uuka aiya belemiumo mule' ahi' na mompakisa aha da mompobaluk butong nu aha hi belemiu, padahan belemiu suele bubu' mian nu Yahudi!” To pola-polaya' haha aijo' madi' noko ala nontaami maumo pe'e ola santaa'.

NOSABATMO 12:44

Panyo botuan anu ingolimo nu belemiu timbali mongkaan de ia o sunatmo.

NOSABATMO 21:3

De ia ma'isa no'osoa salatan tinimbali botuan nu belemiu saba' bengkele'nyo madi' timbali mombatuki de ia mambamo, panyo de ia polo-polo'mo no'osoa salatan tinimbali botuan nu belemiu bengkele'nyo timbali mamba tiba ia.

NOSABATMO 21:7

De samian na boune nu aha Ibrani nupobalukmo nu tuumanyo da timbali botuan, boune aijo' madi' timbali opobebas mau mule' anomo na taun, jadi madi' pokakana tiba botuan mo'ane.

IMAMAT 25:54

De ia madi' opoko ala ololo'i susumo sala'sa'angu' na jalan aijo', ia ka' to ana-anaknyo tionyo ahi' opobebasmo i Taun Ponsule'akonan anu aiya mae i ahop.

MATIUS 18:25

ka' anu madi'mo moko polunas. Jadi, tomundo aijo' mompalentahkon da posaihon aijo' opobaluk tiba anak, ka' bengkele'nyo, ka' iwi-iwi' na halata' nu aha bau pombayan samaya'nyo.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

PO'ULE' INGULIT 15:1

“De kapupusannyomo nu taun anu ko popitu'nyomo belemiu tionyo ahi' mohapusmo samaya' nu belemiu.

PO'ULE' INGULIT 15:18

De belemiu mompobebasmo samian na posaihon, boli mompele-pele', kalana anom na taun na kopinnyo ia nokalajamo hi belemiu padahan tambo nu samian na posaihon ola mintonga' na bagian na i humpaknyo. Bau na palentah aijo' sahingga nubalakatije nu Tumpu Allah nu belemiu iwi-iwi' na anu obau nu belemiu.”

PO'ULE' INGULIT 31:10

Ia nombee'imo palentah hi aha, “De kamingkotannyomo nu taun anu ko popitu'nyomo, i taun samaya' madi'mo po'ule' opoita kakonamo i lamean anu aha Montahopmo ka' o atopimo nu Hon nu Kau',