NOSABATMO 20:8 - KITAB NU TUMPU ALLA LELE MA'IMAI'

⁸ Lame'akon na sinaa nu Sabat ka' o adati na sinaa aijo' salaku sinaa anu susi'.

NOSABATMO 20:8 ပူးပေါင်းရင်းမြစ်များ

KAJADIAN 2:2

Sinaa anu ko popitu'nyo Tumpu Allah nompomingkotmo kalaja-Nyo aijo', lantas Ia nilawemo.

KAJADIAN 2:3

Lantas binalakatan-Nyomo na sinaa ko popitu'nyo aijo' ka' pinotimbali-Nyomo sinaa anu susi', kalana i sinaa aijo' Tumpu Allah nilawemo, salatan iningkotmo na kalaja-Nyo.

NEHEMIA 13:15

Tempo'nyo aitu tinoangkumo i sinaa nu Sabat daagi' ko mian nu Yehuda pa' aha sangkuka nompao'mo anggur. Daagi' mule' ko mian sangga'at anu momposake'mo gandum, anggur anu noko pao'mo, bua' nu anggur, bua' nu ara ka' balang sangga'at aijo' i keledai nu aha ka' binoamo nu aha i Yerusalem. Tinewa'kumo na aha mobalu-baluk i Yerusalem.

NEHEMIA 9:14

Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

NOSABATMO 23:12

Anom sinaa i uno nu sa'angu' na duminggu belemiu timbali mokalaja, panyo sinaa ko ipitunnyo belemiu tionyo ahi' milawemo da potuu'on nu belemiu, to posa-posaihon ka' to mia-mian anu lengkat mae i salipu'an anu mokalaja hi belemiu milawemo suele.

NOSABATMO 31:12

Tumpu nompalentahmo i Musa

NOSABATMO 35:1

I Musa nomposihukmo iwi-iwi' na aha bansa Israel notataemo hi aha, “Aiyamo na palentah nu Tumpu toka hi belemiu;

YESAYA 56:2

Ku balakatimo na mian anu toka i sinaa nu Sabat ka' madi' mohumimi'i sinaa aijo'. Mian anu madi' mombau palabuatan ma'idek, ku kalesangmo ima-ima'.”

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

YEREMIA 17:21

Poto'i sumo uuka: ‘De belemiu madi', mongka'ima'i silaka bolipe'e mongato balang isinaa nu Sabat, kabai momboa oposoop montulu sabatan daka' haha aijo' i Yerusalem.

YEREMIA 17:22

Boli mokalaja kabai momboa balang maumo pa' apaa kahanda' osabatakonmo lengkat ilaigan nu belemiu i sinaa nu Sabat. Tungka'akonmo samata-mata na sinaa aijo' hi beleng-Ku susumo anu pinalentahkon-Kumo hi mompolee' nu belemiu.

YEREMIA 17:24

Otuluti iwi-iwi' na palentah-ngKu. Boli mongato maumo pa' balang apaa montulu sabatan daka' ikota' aiya kakona isinaa nu Sabat. Tungka'akonmo samata-mata na sinaa nu Sabat bau bahagian-Ku, ka' mombau apa-apaa isinaa aijo'.

YEHEZKIEL 20:20

Oholomati na sinaa nu Sabat da timbali bau salaku tanda palajanjian hi belengku tiba hi belemiu salaku bau pompotuka hi belemiu saba' Akumo ahi' na Tumpu nu belemiu'.’

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 19:30

Lame'akon na sinaa nu Sabat ka' o adati na tampat anu tinantukanmo samata-mata bau ponsomban Aku. Akumo na Tumpu.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 26:2

Obau na lameannyo i sinaa nu Sabat ka' i sina-sinaa lamean nu agama sangga'at ka' o adati na tampat anu tinantukanmo bau samata-mata ponsomban Aku. Akumo na Tumpu.

NOMBILANGMO 15:32

Tempo'nyo aha mian Israel kiijo'mo i padang bola, samian na mo'ane i humpak hau-haunyo mongala kau' anu oposun padahan sinaamo nu Sabat.

PO'ULE' INGULIT 5:12

Olame'akon na sinaa nu Sabat ka' o adati salaku sinaa anu susi' kalana Akumo na Tumpu Allah nu belemiu anu nompalentahkonmo hi belemiu.