NOSABATMO 20:4 - KITAB NU TUMPU ALLA LELE MA'IMAI'

⁴ Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 20:4 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

2 TAWARIKH 33:7

Patong nu pilogot pino'una'nyomo i uno nu Laigan nu Tumpu, padahan tampat aijo' polo'mo pinoto'i nu Tumpu Allah hi Daud ka' hi Salomo anaknyo momo'ane, “Laigan-Ku i Yerusalem aiya, anu pinile'an-Kumo hi anu sampulu' ka' ohua' na da'erah tulunan nu aha Israel aijo'mo na tampat anu tinantukanmo bau tampat ponsomban Aku sampe toka sidu-sidutu'.

MAZMUR 78:58

Aha madi'mo nohongo-hongo Tumpu Allah, tandanyo aijo'mo aha nombaumo tampat ponsomban pilogot, ka' ia madi'mo sinanang hi aha kalana patong nu aha haha aijo'.

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 32:23

Aha notatae hi belengku, 'Kita madi' monsumbu' pa' apaamo na anu tinimbali hi Musa, mian anu nomboamo mae kita lengkat i Mesir, jadi bauimo mae na kami pilogot anu timbali molaya' kami.'

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

NOSABATMO 34:17

Boli mombau ka' monsombah to pilo-pilogot anu otutuk nu tukang.

YESAYA 42:17

Mian anu palesayamo hi patong nu pilogot, ka' mongakuimo ia salaku tumpu nu aha, saidi' mae o, alumo ka' mule' opopo ambangmo.”

YESAYA 42:8

Akumo na Tumpu, aijo'mo na sanggong-Ku; kaholomatan-Ku madi' Ku bee' maumo pa' hihe; katalasanggoan-Ku madi' suele Ku bee' hi patong.

YESAYA 45:16

Iwi-iwi' na mian anu nombaumo patong nu pilogot; opopo'ambangmo ka' o'alumo.

YEHEZKIEL 20:7

Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

YEHEZKIEL 8:10

Aku ninsoopmo ka' tinoangkumo. Songko-songko na pimpi'nyo anu aijo' i unonyo pinaha gambalanmo nu ngangahan nu ulo tiba to bina-binatang anu madi' toho' okaan, ka' mule' ngangahan nu gambalan nu pilogot anu nu sombah nu aha mian Israel.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

PO'ULE' INGULIT 16:22

ka' boli mompotinjo ohi', bau ponsomban pilogot, kalana Tumpu Allah nu belemiu mongka'ideki palabuatan aijo'.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 5:8

Boli mombau na belemiu patong maumo pa' sumo apaa i langit, i tano' kabai i uno nu uee i aluk nu tano'.

ANU PINOTO'I HI YOHANES 16:2

Malaikat anu momonanyo nambamo ka' nombubusakon, isi nu tampat aijo' i dunia. Sahingga i lubatmo na to bisu-bisun anu talalo hondo monguntuki iwi-iwi' mian anu ko tanda nu binatang aijo', ka' hi to mia-mian anu monsombah patongnyo.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.

TO MIA-MIAN KOPIAN 17:3

I Mikha nonsule'akonmo doi aijo' hi tinanyo, lantas koonyo nu tinanyo, “Da beleyum anakku, madi' nu kona nu kutuk anu tinaloakonkumo aijo' ku sombahkonmo na doi salaka aiya hi Tumpu da obau patong kau' anu olapisi nu salaka. Jadi doi aijo' ku sule'akonmo hi beleyum.”