NOSABATMO 20:3 - KITAB NU TUMPU ALLA LELE MA'IMAI'

³ Boli monsombah to pilo-pilogot sangga'at, ola Aku na osombah.

NOSABATMO 20:3 ပူးပေါင်းရင်းမြစ်များ

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

MAZMUR 29:2

O puji' na sanggo nu Tumpu anu talasanggo osombah na Ia nu baju' anu opusok de monsombahmo.

MAZMUR 73:25

Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

MAZMUR 81:10

Boli ko anu atina' hi belemiu daagi' ko anu palesaya hi pilogot sangga'at, boli monsombah pilogot nu aha mian anu i salipu'an.

MAZMUR 81:9

Potombihing mae na pokinde'ku o, belemiu mian anu palesayamo hi belengku, O, Israel, de belemiu mongka'oho' mohongo Aku!

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 22:19

Mian anu masala' hi binatang tionyo ahi' opatei.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

YESAYA 26:4

Saja' ahi' sabole-boleh palesaya hi Tumpu, kalana Tumpu saja' monjagai mae kita.

YESAYA 42:8

Akumo na Tumpu, aijo'mo na sanggong-Ku; kaholomatan-Ku madi' Ku bee' maumo pa' hihe; katalasanggoan-Ku madi' suele Ku bee' hi patong.

YESAYA 43:10

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

YESAYA 44:8

O, bansang-Ku, boli mabuhuk kabai tolokengkeng; temisa' salatanmo pe'e naipuan mae sampe uuka aiya, Aku nongkila-kilamo apaa na anu jadi saidi' mae? Belemiumo na to saki-sakising-Ku. Madi'ko anu sangga'at na monjagai, ka' mule' madi' ko anu Kusumbu' sangga'at.”

YESAYA 46:9

Soba tutugi na hahan anu jinadimo naipuan mae; akuimo taalu' Akumo ahi' na Tumpu ka' madi'mo daagi' kosangga'atannyo Akumo na Tumpu ka' madi'mo ko anu pokakana sumo Aku.

YEREMIA 25:6

Nabi haha aijo' nontewa'mo belemiu da bolimo monsombah ka' palesaya hi to pilo-pilogot sangga'at. Aha nontewa'mo belemiu monsombah pilogot anu oposi bau nu belemiu, kalana aijo' monsaduakonmo da Tumpu motambuha'. De otulutimo na palentah nu Tumpu aijo' Ia madi'mo mohukum belemiu.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

DANIEL 3:18

Panyo de bisuanyo Ia madi' ahi' mombau yo da osumbu' nu belento Tuanku kami madi' ahi' monsombah pilogot nu belento Tuanku ka' madi' ahi' suele monsombah patong mosoni' anu pipinotinjomo nu belento Tuanku aijo'.”

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

PO'ULE' INGULIT 5:7

Boli monsombah pilogot haha aijo' sangga'at. Ola Aku na osombah.

PO'ULE' INGULIT 6:14

Bolimo monsombah to pilo-pilogot sangga'at anu nu sombah nu bansa-bansa anu mompaha ohani belemiu.

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

KOLOSE 2:18

Boli komiu mompojohok butong opolugi' nu mian anu mimpula-pula mati aluk, ka' anu monsombah to mala-malaikat. Mian aijo' mongkabubuulakon pikilannyo anu mombatuki dunia, ka' mompopodaka' anu saja' nutoa,

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”

TO MIA-MIAN KOPIAN 6:10

Pinoto'ing-Kumo hi belemiu tukoong-Ku Akumo na Tumpu Allah nu belemiu, ka' tukoong-Ku belemiu madi'mo timbali monsombah to pilo-pilogot nu bansa Amori anu jinojoonganmo miu na lipu' nu aha tempo' uuka aiya. Panyo belemiu madi'mo nohongo-hongo anu pinalentahkon-Kumo.’ ”