NOSABATMO 20:23 - KITAB NU TUMPU ALLA LELE MA'IMAI'

²³ Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 20:23 ပူးပေါင်းရင်းမြစ်များ

2 TOMU-TOMUNDO' 17:33

Jadi aha monsombah Tumpu, panyo aha mule' monsombah ahi' tominuat nu aha susumo adat kabiasa'an nu lipu' pinolengkatan mae nu aha.

2 TOMU-TOMUNDO' 17:41

Jadi aha monsombah Tumpu, panyo mule' monsombah ahi' to pilo-pilogot nu aha sampe sinaa uuka aiya lee' mae nu aha daagi' saja' mombau han aijo'.

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

NOSABATMO 34:17

Boli mombau ka' monsombah to pilo-pilogot anu otutuk nu tukang.

YEHEZKIEL 20:39

Tumpu Anu Matangkas na Kuasanyo notataemo, “O, to mia-mian nu Israel, uuka aiya yayamo belemiu. Saboleh-bolehmo ahi' pombau dosa' monsombahmo pilogot nu belemiu haha atina'! Panyo jaga lapas mae na atina' belemiu tionyo ahi' montulutimo Aku ka' madi'mo ahi' daagi' mohumimi'i sanggong-Ku anu susi' kalana momboamo palasombahan hi pilogot nu belemiu haha atina'.

YEHEZKIEL 43:8

Naipuan mae tomundo' nu aha haha aijo' nombaumo buan nu aita' sabatan tiba ohi' nu sabatan nu laigan nu aha golo-golot ka' buan nu sabatan tiba ohi' nu sabatan nu Laigan-Ku, sahingga me sa'angu' na pimpi' na mongoloti. Aha nohumimi'imo sanggong-Ku anu susi' nu saduakon nu palabuatan nu aha anu okahegatimo. Kalana aijo' Ku silakaimo na aha nu tambuha'-Ku.

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

DANIEL 5:4

Hau-haunyo monginum aha nompuji-puji'mo patong nu pilogot anu mosoni' na binau, salaka, tambaga, kau' ka' batu.

IMAMAT 19:4

Boli monsombah pilogot. Boli mongala besak mosoni', tambaga, salaka obau patong ka' osombah na ia. Akumo na Tumpu Allah nu belemiu.

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

PO'ULE' INGULIT 27:15

Aha mian nu Lewi montaloakon: ‘Kutukiakon na mian anu mombau batu opotimbali patong, kau', kabai logam, ka' mule' oposuluk na monsombah ia; Nuka'ideki nu Tumpu na monsombah pilogot!’ Iwi-iwi' na mian da'isan montaami: ‘Amin!’

PO'ULE' INGULIT 29:17

Tinoamo nu belemiu na to pato-patong nu pilogot nu aha anu monsaduakon da mahumimi' te kau', batu, salaka, ka' mosoni' na binau.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.

TO MIA-MIAN KOPIAN 17:3

I Mikha nonsule'akonmo doi aijo' hi tinanyo, lantas koonyo nu tinanyo, “Da beleyum anakku, madi' nu kona nu kutuk anu tinaloakonkumo aijo' ku sombahkonmo na doi salaka aiya hi Tumpu da obau patong kau' anu olapisi nu salaka. Jadi doi aijo' ku sule'akonmo hi beleyum.”