NOSABATMO 20:2 - KITAB NU TUMPU ALLA LELE MA'IMAI'

² “Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 20:2 ပူးပေါင်းရင်းမြစ်များ

1 TOMU-TOMUNDO' 18:39

Salatan tinoamo nu mian da'isan apa-apaa na jinadimo aijo' aha tinolodadupumo i tano' ka' notatae, “Tumpu, memang Tumpu Allah! Totu-totu'u Tumpu aijo', memang Tumpu Allah!”

2 TOMU-TOMUNDO' 17:7

Samaria pinatundu'mo kalana mian nu Israel binaladosa'mo hi Tumpu, Tumpu Allah nu aha nomposalamatmo aha da madi' pinatean i tomundo' Mesir, ka' nomboa aha nosabat lengkat mae i lipu' aijo'. Aha nonsombahmo to pilo-pilogot sangga'at,

2 TAWARIKH 28:5

Kalana i Tomundo Ahas binaladosa'mo, Tumpu Allah-nyo nompojohokmo ia da pinatundu' nu tomundo Siria anu suele nomboamo mian nu Yehuda manjoo' hondo salaku mian anu i hakop ka' binoa i Damsyik. Tumpu mule' nompojohokmo ia da pinatundu' i Tomundo Pekah anak i Remalya mian nu Israel, anu nompateimo sinansinaa aha 120.000 na suludadu nu aha Yehuda anu toto babaani. Tumpu Allah mompolee' nu aha nompojohokmo iwi-iwi' aijo' da jinadi kalana mian da'isan nu aha Yehuda madi'mo nontapali Tumpu.

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

MAZMUR 81:10

Boli ko anu atina' hi belemiu daagi' ko anu palesaya hi pilogot sangga'at, boli monsombah pilogot nu aha mian anu i salipu'an.

MAZMUR 81:11

Akumo na Tumpu nu belemiu, anu nolaya'mo mae belemiu nosabat lengkat mae i Mesir. Tempo'nyo belemiu no'ohopmo kalana madi'mo ko anu okaan, binee'an-Kumo anu okaan na belemiu.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 20:1

Lantas Tumpu Allah notataemo, ka' sumo uuka na potatae-Nyo,

NOSABATMO 29:46

Nusumbu'je nu aha taalu' Aku aiya Tumpu Allah nu aha anu nomboamo mae aha nosabat lengkat mae i Mesir da Aku jojoongmo aijo' hi aha. Akumo na Tumpu Allah nu aha.”

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YEREMIA 16:14

Tumpu notatae, “Tokaje mae na tempo'nyo mian madi'mo basumpa' atas sanggong-Ku, Tumpu Allah anu tumuu', anu nomboamo mian nu Israel nosabat lengkat mae i Mesir,

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEHEZKIEL 20:19

Akumo ahi' na Tumpu nu belemiu. Saboleh-boleh otuluti na atulan-atulan tiba iwi-iwi na palentah-ngKu.

YEHEZKIEL 20:5

Poto'i apaa na anu tinaloakon-Kumo aiya. Aku nompile'imo Israel ka' binauakon sumpah hi aha. Tempo'nyo i Mesir Aku nanintoamo hi aha ka' nompoto'imo, ‘Akumo na Tumpu nu belemiu.’

YEHEZKIEL 20:7

Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

HOSEA 12:10

Panyo Aku, Tumpu nu belemiu anu nomboamo mae belemiu nosabat lengkat i Mesir po ule' mule' mompojoong belemiu i to kema-kemah susumo naipuan mae tempo'nyo Aku tinoka hi beleyum i padang anu mateges.

HOSEA 13:4

Tumpu notatae, “Akumo na Tumpu nu belemiu anu nomboamo mae belemiu nosabat lengkat i Mesir. Belemiu madi' ko Tumpu ola ahi' samata-mata Aku. Samata-mata Aku na anu nomposalamat belemiu.

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

IMAMAT 19:36

Pake na meten, pontimbangan ka' pontakalan anu totu'u. Akumo na Tumpu Allah nu belemiu, ka' binoang-Kumo mae na belemiu nosabat lengkat mae i Mesir.

IMAMAT 23:43

da lee' nu belemiu monsumbu' taalu' Tumpu nonsaimo aha bansa Israel jojoong i uno nu to taho-tahop anu madi' talalo ma'ima', salatan Ia nonsabatakonmo aha lengkat mae i Mesir. Iamo na Tumpu Allah nu belemiu.

IMAMAT 25:38

Aijo'mo na palentah nu Tumpu Allah nu belemiu anu nomboamo belemiu nosabat mae lengkat i Mesir ka' nombee'mo lipu' nu Kana'an hi belemiu da ia timbalimo Tumpu Allah nu belemiu.

IMAMAT 25:42

Mian nu Israel to posa-posaihon nu Tumpu; Iamo na anu nomboa mae aha nosabat lengkat mae i Mesir kalana aijo' aha madi' timbali opobaluk salaku botuan,

IMAMAT 25:55

Samian na mian nu Israel madi' timbali bau botuan sampe toka sidu-sidutu'mo i kantumuu'annyo, kalana bansa nu Israel to posa-posaihon nu Tumpu. Tumpu na nomboa mae aha nosabat lengkat mae i Mesir. Iamo na Tumpu, Tumpu Allah nu aha.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

IMAMAT 26:13

Aku, Tumpu Allah nu belemiu anu nomboamo mae belemiu nosabat lengkat mae i Mesir da belemiu madi'mo daagi' timbali botuan. Kakuasa'an anu nongkabisa'imo belemiu i hopu'an-Kumo ka' belemiu Ku potimbalimo mian anu bebas.”

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

ROMA 3:29

Kabai o, Tumpu aijo' ola Tumpu nu mian Yahudi? Te misa' Ia suele Tumpu nu bansa sangga'at? O, memang Ia suele Tumpu nu bansa sangga'at!

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

PO'ULE' INGULIT 20:1

“De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.

PO'ULE' INGULIT 5:6

‘Akumo na Tumpu Allah nu belemiu anu nomboamo mae belemiu nosabat lengkat i Mesir, tampat nu belemiu binotuanan.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.

TO MIA-MIAN KOPIAN 6:10

Pinoto'ing-Kumo hi belemiu tukoong-Ku Akumo na Tumpu Allah nu belemiu, ka' tukoong-Ku belemiu madi'mo timbali monsombah to pilo-pilogot nu bansa Amori anu jinojoonganmo miu na lipu' nu aha tempo' uuka aiya. Panyo belemiu madi'mo nohongo-hongo anu pinalentahkon-Kumo.’ ”