NOSABATMO 20:18 - KITAB NU TUMPU ALLA LELE MA'IMAI'

¹⁸ Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

NOSABATMO 20:18 ပူးပေါင်းရင်းမြစ်များ

KAJADIAN 15:17

Salatan sinaa nalomo monti-montiik sa'angu' na polu' ise' tinokamo ko tibuknyo ka' potong anu moak, lantas notulumo i olot nu antok anu sinampa-sampanmo haha aijo'.

KAJADIAN 3:10

Mo'ane aijo' nontaami, “I hongongkumo na Belento i taman, aku nabuhukmo, jadi aku naninsulukmo kalana langgo.”

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

YEREMIA 23:23

Aku, Tumpu Allah anu daagi' iyaya mae na tampat, misa' ola isa'angu' na tampat.

PO'ULE' INGULIT 18:16

I sinaa kasihukanmo nu belemiu aijo' i Bungkutnyo nu Sinai, belemiu nongkakasemo da belemiu bolimo mohongo Tumpu Allah nu belemiu motatae ka' bolimo montoa Ia toka i uno nu apu anu moak kalana belemiu mabuhuk dumo silaka.

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.

PO'ULE' INGULIT 5:23

“Salatan songko-songko na bungkutnyo i noakmo ka' belemiu nohongomo potatae lengkat mae i unonyo nu pintung iwi-iwi' na polaya' nu tulunan nu bansa miu tiba to tu'a-tu'anyo nu belemiu tinokamo mae hi belengku.

PO'ULE' INGULIT 5:25

Panyo kadaka' kami momboto'akon mule' ahi' nyawa mami? Apu anu okabuhuk aijo' mompateimo mae kami! O akuimo mami totu-totu'u taalu' kami matemo de mohongomo Tumpu Allah pu'ule' mule' motatae.

PO'ULE' INGULIT 5:27

Kalana aijo' lako'mo Musa, ka' hongo mae iwi-iwi' apaa na anu nu poto'i nu Tumpu Allah-nto lantas poto'i mae hi kami apaa na anu Nu poto'i hi beleyum. Kami mohongoje ka' tulu-tulutanmo.’

PO'ULE' INGULIT 5:5

Panyo kalana belemiu nabuhukmo i apu ka' madi'mo binaani na nindako i bungkutnyo, sahingga aku, tempo'nyo aitu tinuminjomo i olotnyo nu belemiu tiba Tumpu da nompotoka potatae nu Tumpu hi belemiu. Tumpu nompoto'i,