NOSABATMO 20:12 - KITAB NU TUMPU ALLA LELE MA'IMAI'

¹² O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

NOSABATMO 20:12 ပူးပေါင်းရင်းမြစ်များ

KAJADIAN 48:12

Lapas aijo' i Yusuf nongalamo aha aijo' tanggo-tanggogon hi Yakub, lantas ia tinolodadupumo i ahop nu tuumanyo.

KAJADIAN 50:12

Sumo aijo' na to ana-anak i Yakub nombaumo apaa na anu pinotuunmo i Yakub hi aha.

1 TOMU-TOMUNDO' 2:19

Sahingga nambamo na i Batsyeba hi tomundo' ka' nombisalakon apaa na koonyo i Adonia. I Tomundo' nobungkutmo nolalabot tinanyo ka' nonsombah ia lantas po'ule' mule' sinumuhang i kasuhangannyo. Lapas aijo' pinalentahnyomo na mian nontoukai kadela i sasu koanannyo da bau kasuhangan nu tinanyo.

2 TOMU-TOMUNDO' 2:12

Tinoamo i Elisa lantas ia notataemo “O Elia, Tuumangku! Tuumangku! Anu nonjagaimo Israel ka' baani hondo! Belento Tuumangku madi'mo ko anu i aiya!” Ahennyo madi'mo tinoa i Elisa na i Elia. Kalana sinusa'mo na I Elisa, sahingga juba'nyo bineaknyomo ohua',

NOSABATMO 21:15

Ihe na mondoke tuuma ka' tinanyo, tionyo obee'i hukuman opatei.

NOSABATMO 21:17

Ihe na montundai tuumanyo kabai tinanyo, tionyo obee'i hukuman opatei.

AMSAL 15:5

Mian anu ponga' montee pokinde nu tuumanyo; panyo mian anu pande montuluti tuumanyo.

AMSAL 17:6

Bau kasanangan nu anu langkai'mo ka' bengkele'mo aijo'mo to maku-makumpunyo; ka' bau kasanangan nu to ana-anak aijo'mo tinanyo ka' tuumanyo.

AMSAL 20:20

Mian anu montotobi'akon tu'anyonyo, kantumuu'annyo madi'tuusan, sumomo sulu' anu mompoho' mo i pihi anu pinikatmo.

AMSAL 28:24

Ihe na buling hi tu'anyonyo ka' monsangka aijo' misa' dosa', pokakana mo tiba anu lewa' mombuling sangga'at.

AMSAL 3:16

Kapandean bapikin mompomantan umun nu belemiu, kakaya'an, ka' da o'adati nu mian.

AMSAL 30:11

Daagi' ko mian anu montotobi'akon tuumanyo; ka' madi' moholomati tinanyo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YEREMIA 35:18

Lantas pinoto'ingkumo hi aha to mia-mian sa'anakan mae i Rekhab koongku, Tumpu Anu Balakuasa hondo, Tumpu Allah Israel, nompoto'imo mae sumo uuka, “Belemiu nontulutimo mompolee' nu belemiu i Yonadab; iwi-iwi' na palentahnyo tinulutanmo nu belemiu ka' binaumo.

YEREMIA 35:7

Kami madi' timbali mosu'an apa-apaa ka' mule' madi' timbali mombau ale' kabai ko ale' nu anggur. Hau-haunyo kami daagi' tutuu', kami madi' mule' ahi' timbali mombau laigan. Kami tionyo ahi' ola jojoong i kemah da timbali tataap jojoong ilipu' aiya salaku mian anu lengkat mae isalipu'an.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

IMAMAT 19:32

O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MATIUS 19:19

o adati na tuumaum ka' tinaum; ka' okalibosi na sangko mian sumo beleyum mongkalibosi posi butongum.”

MARKUS 10:19

Beleyum nonsumbu'mo palentah-palentah nu Tumpu, ‘Boli mompatei, boli masala', boli montomang, boli bau sakisi baleko', boli mongakali, adati na tuuma tinaum.’ ”

MARKUS 7:10

I Musa nombee'imo palentah aiya, ‘O adati na tuuma tinaum,’ ka' ‘Ihe na monguda-udahi tuuma tinanyo, o hukum mate.’

LUKAS 18:20

Sinumbu'mo na pale-palentah nu Tumpu: ‘Boli masala', boli mompatei, boli mombuling, boli timbali sakisi baleko', ka' o adati na tuuma ka' tinaum.’ ”

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

PO'ULE' INGULIT 11:8

“Otuluti iwi-iwi' na atulan anu ku potokakon hi belemiu sinaa aiya, da belemiu timbali moko ala motaap i kaunyo, ka' minsoop i lipu' anu madi'mo pin ojojoongimo miu.

PO'ULE' INGULIT 11:9

Ka' belemiu tumuu' pin i lipu' anu kaya ka' tano'nyo ma'omuk, anu jinanji'mo nu Tumpu hi mompolee' miu ka' mule' hi lee' nu aha.

PO'ULE' INGULIT 21:18

“Bisuannyo ko anak mo'ane anu panggaga saja' moto'idek, ka' madi' mombatuki pongka'oho' nu tu'anyonyo maumo binee'anmo hukuman na ia.

PO'ULE' INGULIT 25:15

Pake ahi' na timbangan ka' montakan anu tantu da mantan na umun nu belemiu i lipu' anu binee'mo nu Tumpu Allah nu belemiu hi belemiu.

PO'ULE' INGULIT 27:16

‘Kinutukan na mian anu madi' mongadati tu'anyo nu aha ka' mompojohokmo aha madi'mo opalakai.’ ‘Amin!’

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

KOLOSE 3:20

To ana-anak! Anu halus obau miu salaku mian Kristen, saja' montuluti tuuma ka' tina, kalana atina' na momposanang kinyonyoa nu Tumpu.

I RUT 3:6

Sahingga nambamo na i Rut i tampat nu mian anu mongutut gandum. Ikiijo' mae binaunyomo iwi-iwi' na anu pinokauhakonmo nu moniannyo.

1 SAMUEL 22:3

Lengkat iliang aijo' i Daud nambamo i Mizpa kiijo' mae i Moab, ka' nompoto'imo hi tomundo' nu aha lipu' Moab, “De timbali da tuuma tiba tinangku aiya jojoong pe'e hi belento Tuanku, sampe saidi' mae kusumbu' pa' mosia na koonyo nu Tumpu Allah hi belengku.”