NOSABATMO 2:3 - KITAB NU TUMPU ALLA LELE MA'IMAI'

³ Panyo bungamea' aijo' madi' pinoko posuluknyo pipin. Sahingga tina nu anak aijo' nongalamo sa'angu' na kalanjang, kalanjang aijo' biho' na binau, ilapisannyo nu ter da uee boli minsoop. Bungamea' aijo' pino una'nyomo i uno nu kalanjang aijo' ka' binoanyomo i Kaunyo nu Nil ka' pino una'nyo i totonga' nu pu'un nu biho' i biwi nu kaunyo aijo'.

NOSABATMO 2:3 ပူးပေါင်းရင်းမြစ်များ

KAJADIAN 11:3

Aha binasale'mo samian ka' samian, “Imbo' da kita mombau batu tela ka' opapui sampe mokuut.” Sumo aitu na aha binapikin sahingga kino batu telamo da bau laigan ka' ter bau pongkampitnyo.

KAJADIAN 14:10

Bangka'nyo aijo' kaho bubung nu aspal, ka' salatan to tomu-tomundo lengkat mae i Sodom ka' i Gomora nalaimo mae nompala'imo mae pahampatean, aha singkapmo nanabu' i bubung haha aijo'. Totolu' na tomundo sangga'at madi' kino apa-apaanyo ka' nalaimo nokiita' i bungkutnyo.

KAJADIAN 6:14

Pombaumo kapan sa'angu' na beleyum, kau' anu mokuut na obau; opaha baui salipi'nyo i unonyo, ka' olapisi nu ter na unonnyo ka' sambiha'nyo.

NOSABATMO 1:22

Lantas i tomundo nombee'imo palentah sumo uuka hi iwii-iwi' na layatnyo; “Batu-batu anak mo'ane nu mian Ibrani anu sala'je hampe tionyo o alin i Kaunyo Nil, panyo iwi-iwi' na anak boune timbali opotumuu'.”

YESAYA 18:2

Lengkat mae ilipu' aijo' tinokamo mae na utusan anu notaapmo mae Kaunyo nu Nil sinumake' mae iduangan. O, utusan-utusan anu toto mako-makolit, sampamo pinsusule' ilipu' nu beleiu anu so' nusahak nu kaunyo haha aijo'. Boa na potuunon aiya sumo uuka toka hi bansa nu belemiu anu toto maho-mahoson ka' toto babaani, ka' mule' belemiu mian nu toto tangka-tangkas, ka' kilitnyo ma'ima' ka' okabuhuk isongko-songko na dunia.

YESAYA 19:6

Kaunyo anu nuinau bau polowo'an mabusikmo salatan ueenyo kopoti-poti'inyomo. Biho' tiba hemput magayoumo.

YESAYA 35:7

Bone' anu mapanas timbalimo talaga, tano' anu kinunmo timbalimo kaho mata nu uee. Tampat anu u'utu mae kinajojoonganmo nu dedeng nu kuhat, nu tumuu'imo nu biho' tiba pondan

MATIUS 2:13

Salatan to pande-pande anu monsumbu' mandala' aijo' i nambamo, Malaikat nu Tumpu nanintoamo hi Yusuf i uno nu ipion. Malaikat aijo' notatae, “I Herodes ko kahanda' molio Anak aijo' da o patei na Ia. Kalana aijo' bulamo, boa na Anak aijo' tiba tina-Nyo malai nokiijo' i Mesir. Jojoong i kiijo' mae sampe-Ku poto'ije mule' hi beleyum.”

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

SISIKON NU TO RASUL-RASUL 7:19

Tomundo aijo' nompahaikakonmo bansanto talalo masigo hi mompolee'to. Ia nompakisamo aha mongalin to bunga-bunga mea' anu sala'je i hampe bolimo opalakai da matemo.