NOSABATMO 2:24 - KITAB NU TUMPU ALLA LELE MA'IMAI'

²⁴ Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub.

NOSABATMO 2:24 ပူးပေါင်းရင်းမြစ်များ

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

KAJADIAN 16:11

Madi'mo daagi' pin beleyum mohampeakonmo samian na anak mo'ane; sanggohi na ia i Ismael, kalana beleyum i humang i hongomo nu Tumpu.

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 18:18

Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije?

KAJADIAN 22:16

“Tumpu notatae: Aku basumpa' hi posi sanggong-Ku, kalana beleyum nombaumo han aiya ka' madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.

KAJADIAN 26:2

Han aijo' binaunyo kalana Tumpu nanintoamo hi ia ka' notatae, “Boli mamba mokiijo' i Mesir; jojoongmo i lipu' aiya susumo anu pinalentahkon-Kumo hi beleyum.

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 35:11

Lantas po'ule' notatae na Tumpu Allah, “Akumo na Tumpu Allah Anu Daka' hondo na kuasanyo. Pinganakmo na beleyum ka' milee' manjoo'. Beleyum molee'akonmo to bansa-bansa ka' timbalimo tuuma nu mompolee' nu to tomu-tomundo'.

KAJADIAN 35:12

Lipu' anu binee'-Kumo hi Abraham ka' hi Ishak, Ku bee'mo hi beleyum ka' hi lee' nu beleyum.”

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

MAZMUR 102:2

O Tumpu, potombihingakon mae na do'angku, de timbali da anu ku kakase aiya toka hi Belento.

MAZMUR 102:20

Tumpu aita' mae i tampatnyo anu matangkas montoa mae mo uuka, aita' mae i suluga', nu toa mae nu Tumpu na dunia

MAZMUR 105:42

Kalana saja' nu inau' nu Tumpu na anu jinanji'-Nyomo, hi Abraham, posaihon-Nyo.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 22:24

Opuji' na Ia, o to mia-mian anu mohongo-hongo Tumpu! Opopodaka' na Ia, iwi-iwi' na mian lee' mae i Yakub! Osombah na Ia, iwi-iwi' na mian lee' mae i Israel!

MAZMUR 22:5

Mompolee' mami montaha'imani Belento, aha montaha'imani, ka' pinosalamatmo nu Belento na aha.

MAZMUR 79:11

Potombihingakon mae na tando' nu to mia-mian anu i uno nu talungku'; o'amalakon da to mia-mian anu tinantukanmo osilakai opobee'mo da boli osilakai kalana kakuasa'an nu Belento.

NOSABATMO 6:5

Jadi poto'imo hi bansa Israel taalu' Aku notataemo hi aha: Akumo na Tumpu; belemiu atina' obotuani nu bansa Mesir Ku pobebasmo. Ku potoamo na kakuasa'an-Ku anu opalias, da momposalamat belemiu, ka' mompokonaimo hukuman anu maboat hondo hi bansa Mesir.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”