NOSABATMO 2:21 - KITAB NU TUMPU ALLA LELE MA'IMAI'

²¹ I Musa nongka'oho'mo da jojoongmo ikiijo'. Lapas aijo' i Yitro nompo'osoakonmo hi anaknyo, sanggonyo i Zipora tiba i Musa.

NOSABATMO 2:21 ပူးပေါင်းရင်းမြစ်များ

NOSABATMO 2:10

Salatan bungamea' aijo' gagana'mo dinaka' tinanyo nombee'mo ia hi bengkele' nu tomundo. Lantas bengkele' nu tomundo nontekengmo bungamea' aijo' pinojadinyomo anaknyo. “Ia ku sanggohimo i Musa, kalana ingalangku na ia aijo' mae i uee,” na koonyo nu bengkele' i tomundo.

NOSABATMO 2:20

“Uuka aiya iyamo mae na ia?” pinokilawa i Yitro hi to ana-anaknyo. “Kadaka' belemiu nompala'imo mae mian itina'? Lako' laga mae na ia da mongkaan hingga-hinggat tiba kita.”

NOSABATMO 3:1

Tempo'nyo aitu i Musa nolaya' to domba-domba ka' to me-mee' anu i Yitro, moniannyo, imam i tano' nu Midian. Tempo'nyo ia hau-haunyo nomboamo potuu'on haha aijo' nokiijo' i santoa nu padang bola, tinokamo na ia i Bungkutnyo nu Sinai, bungkutnyo anu susi'.

NOSABATMO 4:18

Lapas aijo' i Musa ninsusule'mo i laigan hi Yitro tuuma nu bengkele'nyo, ka' notatae hi ia, “Pobee'mo mae na aku minsusule'mo mamba i Mesir molenga to utu-utusku ka' montoa pa' aha daagi' tutuu'.” I Yitro notatae hi Musa, “Timbali; mambamo ka' kopi-kopian mae.”

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

NOMBILANGMO 12:1

I Musa nongalamo samian na boune mian nu Kus binaunyomo bengkele'nyo, ka' han aijo' binaumo sabab i Miryam ka' i Harun da nompisala'imo i Musa.

SISIKON NU TO RASUL-RASUL 7:29

Salatan i Musa nohongo apaa na anu tinaloakon nu mian aijo', i Musa nalai nompala'i Mesir lantas jinojoong i lipu' nu Median. I kiijo' mae ia nohumpakmo ua'aha na anak.

1 TIMOTIUS 6:6

Hondo-hondomo agama mombee'i ka'untungan anu daka', de mian mongoa'imo sukup apaa na anu daagi'mo hi ia.

IBRANI 11:25

Ia lebe mongka'ima'i hingga-hinggat mongoa'i sansala tiba mian anu palesayamo hi Tumpu, asan boli mongoa'i kasanangan i kantumuu'an anu baladosa' anu ola sasaingoni'.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YAKOBUS 1:10

Ka' mian Kristen anu kaya de nu tauhakonmo nu Tumpu tionyo ahi' suele saja' mongoa'i lame'. Kalana mian kaya mingkot sumo bunga nu hemput.