NOSABATMO 2:20 - KITAB NU TUMPU ALLA LELE MA'IMAI'

²⁰ “Uuka aiya iyamo mae na ia?” pinokilawa i Yitro hi to ana-anaknyo. “Kadaka' belemiu nompala'imo mae mian itina'? Lako' laga mae na ia da mongkaan hingga-hinggat tiba kita.”

NOSABATMO 2:20 ပူးပေါင်းရင်းမြစ်များ

KAJADIAN 18:5

Da ku toukai kaanon mau ola sangki-sangkidingmo, da to Tuan-tuan mohumpak kahosonan mule' na po'ule' lumajang lau-laus. To Tuan-tuan mongadatimo aku kalana sinonso'mo i laigan nu posaihon nu Belento aiya.” Tinaaman nu aha, “Talima kase na kanonongan nu belento atina'. Kami sonso'je.”

KAJADIAN 29:13

Salatan i Laban nohongomo lele mongkona i Yakub, ponuanakonnyo aijo', nopadeka'mo na ia namba nonsingkaboti. I Laban nontanggogolimo i Yakub ka' nongooki ia, lantas nomboamo ninsoop i laigan. Salatan sinisikmo i Yakub na han iwi-iwi' mongkona butongnyo hi Laban,

KAJADIAN 31:54

Ia nongkolotmo sa'angu na binatang ka' sinombahkonnyomo aita' i puge'nyo aijo'. Lantas i laganyomo na to mia-mian da mongkaan hingga-hinggat. Noko kaan aha i nale'mo i bungkutnyo aijo'.

KAJADIAN 43:25

Lapas aijo' aha nontoukaimo palasen anu obee' hi Yusuf de ia tokamo mae sonsu'un na sinaa, kalana pinoto'imo hi aha, saba' aha mongkaanmo hingga-hinggat tiba ia.

AYUB 31:32

Laiganku madi' toho' montolak mian anu i lumbanan; madi' toho' pinojohoku na aha nale' i jalan.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

NOSABATMO 2:19

Tinaaman nu aha, “Daagi' ko samian, mian nu Mesir nontulungimo mae kami, kalana kino to pola-polaya' binatang sangga'at nolaa'mo kami. Ka' mule' ia nontaukiakonmo uee kami ka' nompoinumimo potuu'onto.”

NOSABATMO 2:21

I Musa nongka'oho'mo da jojoongmo ikiijo'. Lapas aijo' i Yitro nompo'osoakonmo hi anaknyo, sanggonyo i Zipora tiba i Musa.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.