NOSABATMO 2:2 - KITAB NU TUMPU ALLA LELE MA'IMAI'

² Lantas boune aijo' nohampeakonmo samian na anak mo'ane. Salatan ia nontoa bungamea' aijo' talalo hondo ma'ima', pinosuluknyomo na ia tinotolu' na bitu'on.

NOSABATMO 2:2 ပူးပေါင်းရင်းမြစ်များ

2 TOMU-TOMUNDO' 11:3

Anom na taun na kinopinnyo na i Yoseba nongkalesang anak aijo' i Laigan nu Tumpu tempo'nyo i Atalya nompalentahmo salaku tomundo' boune.

MAZMUR 112:5

Mohumpak ka'ima'an na mian anu manonong ka' sanang na monsaboli ka' madi' tageo' i uno nu iwi-iwi na ulusan.

NOSABATMO 6:20

I Yizhar kino anak aha totolu' na mo'ane: I Korah, i Nefeg ka' i Zikhri.

NOMBILANGMO 26:59

I Amram no'osoa tiba i Yokhebed anak i Lewi. I Yokhebed aijo' i hampe i Mesir. I Amram ka' i Yokhebed kino anak mo'ane ua'aha: I Harun tiba i Musa ka' mule' samian na boune, i Miryam.

SISIKON NU TO RASUL-RASUL 7:20

Tempo'nyomo aitu na kinahampean i Musa; ia bunga mea' anu ma'ima' hondo. Tinotolu' na bitu'on na kinopinnyo ia pinotuu' i laigan nu tuumanyo,

PO'ULE' INGULIT 33:16

O'amalakon da tano'nyo nupobuke'i nu anu toto ima-ima' hondo, ka' kalana manonong na Tumpu sahingga nohumpak balakat anu notatae aijo' mae i hemput anu i noakmo. O'amalakon da balakat aijo' tudun mae kona hi tulunan i Yusuf, kalana iamo na polaya' nu to utu-utusnyo.

IBRANI 11:23

Kalana bala'iman, sahingga tina tuuma i Musa nomposulukmo ia tinotolu' na bitu'on na kopinnyo salatan ia i hampemo. Tinoa nu aha, saba' ia aijo' samian na anak anu ma'ima' ka' aha madi' nabuhuk na nonggagakon palentah i tomundo'.

1 SAMUEL 16:12

Lantas pinokaumo i Isai na mian da mamba molaga aijo'. Taalu' ia samian anu olitau hondo ka' mahoson na butongnyo ka' matanyo mule' ma'ima' na otoa. Lantas notataemo na Tumpu hi Samuel, “Aiyamo na ia; hangkatmo ka' balakatimo na ia!”