NOSABATMO 2:15 - KITAB NU TUMPU ALLA LELE MA'IMAI'

^15-16 Salatan i tomundo nohongomo kajadian aijo', ia moliomo akan da opateimo na i Musa. Panyo i Musa nalaimo ka' jinojoongmo i tano' nu Midian. Imam nu aha i Midian, sanggonyo i Yitro, ko anak boune aha popitu'. Daagi' kino sansinaan, tempo'nyo i Musa hau-haunyo suha-suhang koko sa'angu' na bubung, aha popi-popitu' na anak to lalangkoyang i Yitro tinokamo montauk uee ka' mongisi tampat ponginuman nu mee' ka' domba haha aijo' sanggombu anu nu tuuma nu aha.

NOSABATMO 2:15 ပူးပေါင်းရင်းမြစ်များ

KAJADIAN 24:11

Salatan ia tinokamo kiijo' mae, aha madi'mo i lumajang da unta haha aijo' mingkainmo koko sa'angu' na bubung i sambiha' nu kota. Sinaa ohanimo malom, ka' aijo'mo na tempo'nyo to bou-boune tokamo i bubung montauk uee.

KAJADIAN 25:2

Bengkele'nyo aijo' nohampeakon to ana-anak sanggonyo: I Zimran, i Yoksan, i Medan, i Midian, i Isybak, ka' i Suah.

KAJADIAN 25:4

To ana-anak i Midian aijo'mo; i Efa, i Efer, i Henokh, i Abida, ka' i Eldaa. Aha iwi-iwi' lee' i Ketura.

KAJADIAN 29:2

Monti-montiik ia nontoamo sa'angu' na bubung i padang, ka' madi' majo'on ikiijo' notulu na pahasan nu mee' ka' domba anu biasa opo'inum ikiijo' paha-paha lukut. Bubung aijo' kinuluban nu batu anu daka'.

1 TOMU-TOMUNDO' 11:18

Aha namba lengkat mae i Midian lantas nambamo i Paran. Ikiijo' mae tiba to pia-piangkuka na mian sangga'at nosangalumo tiba aha lantas hingga-hinggat nambamo i Mesir, kahanda' singkabot tiba i tomundo' Mesir. Tomundo' aijo' nombee'imo i Hadad laigan ka' tano' da bau kajojoongannyo ka' mule' balanja anu bau pontumuu'.

NOSABATMO 18:4

anak tuenyo sinanggohan i Eliezer kalana i Musa notatae, “Tumpu Allah anu lewa' osombah nu mompolee'ku nontulungimo mae ka' nomposalamatmo aku sahingga aku madi' pinatean nu tomundo Mesir.”

NOSABATMO 4:19

Tempo'nyo i Musa daagi' i tano' nu Midian, Tumpu notataemo hi ia, “Pinsusule'mo mamba i Mesir. Iwi-iwi' na mian anu mongkahanda'i mompatei beleyum sinilakamo”.

AMSAL 22:3

Mian anu pande mongawahi de montoa mo anu monsilakai mian anu ponga' lumajang lau-laus lantas nukonamo nu balaa'.

HABAKUK 3:7

Tinoangku na mian da'isan nu aha Kusyan tinokanmo nu buhuk, ka' aha mian nu Midian ilakatnyomo.

MATIUS 10:23

De komiu osansala i sala'sa'angu' na kota, popadeka' mamba i kota sangga'at. Ku poto'i hi beleyum: Ma'isa pe'e komiu moko lambani iwi-iwi' na to kota-kota Israel, Anak nu Mian tokamo.

YOHANES 4:6

I kiijo' daagi' ko bubung i Yakub. I Yesus nalawemo hondo kalana i lumajang, kalana aitu Ia sinumuhang i sohipi' nu bubung. Tempo'nyo aijo' kila-kila jam sampulu'mo ka' ohua' sonsu'unmo na sinaa.

SISIKON NU TO RASUL-RASUL 7:29

Salatan i Musa nohongo apaa na anu tinaloakon nu mian aijo', i Musa nalai nompala'i Mesir lantas jinojoong i lipu' nu Median. I kiijo' mae ia nohumpakmo ua'aha na anak.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.