NOSABATMO 19:6 - KITAB NU TUMPU ALLA LELE MA'IMAI'

⁶ ola posi Aku na tumpunyo ka' belemiu mombaumo apaa na anu Ku palentahkon salaku to ima-imam.”

NOSABATMO 19:6 ပူးပေါင်းရင်းမြစ်များ

1 TOMU-TOMUNDO' 3:8

Aku jinojoongmo hinggat-hinggat tiba bansa anu pinile'antomo nu Belento timbal mian anu palesayamo. Aha sa'angu' na bansa anu daka' anu madi' opoko lekeng na konjoo'nyo.

1 TOMU-TOMUNDO' 8:53

Belento o Tumpu Allah nompile'imo aha aijo' i bansa sangga'at iwi-iwi' da opotimbali mia anu pinalesayamo hi Belento, susumo anu tinaloakonmo nu Belento hi aha anu pinoto'imo hi Musa posaihon nu Belento aijo', tempo'nyo Belento nolaya' mae mompolee' mami nosabat lengkat mae i Mesir.”

1 TAWARIKH 17:22

Bansa Israel pinotimbalimo nu Belento mian anu pinalesayamo hi belento sampe toka sidu-sidutu'. Ka' belento O Tumpu tinimbalimo Tumpu Allah nu aha.

MAZMUR 114:2

Tumpu nompotimbalimo Yehuda tampat-Nyo anu susi'.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 22:31

Belemiu mian anu pinalesayamo hi beleng-Ku, kalana aijo' mau mule' binatang apaa na anu nu sa'u nu sangko binatangnyo, madi' timbali okaan nu belemiu na antoknyo; bee'mo na aijo' hi to dede-dedeng.”

NOSABATMO 28:36

Bau na mainan mosoni' anu madi' ko galo'nyo, ka' otulisi potatae, 'Mokalaja samata-mata hi Tumpu.

YESAYA 43:4

Beleyum na ko angga'nyo ahi' imatang-Ku, Aku mohalagai ka' mule' mongkalibosi ahi' beleyum; sahingga Ku bee'imo mian salaku baumo pombolosi beleyum, to bansa-bansa salaku baumo pombolosi santuu' nu beleyum.

YESAYA 61:6

Belemiu osanggohije posaihon nu Tumpu ka' osanggohimo imam nu Tumpunto. Belemiu mongoa'ije kakaya'an nu to bansa-bansa ka' bilahimo kalana halata' nu aha.

YESAYA 62:12

Aha osanggohimo; ‘Mian anu susi'’; ‘Mian anu pinosalamatmo nu Tumpu’. Yerusalem osanggohimo ‘Kota' anu lewa'mo sinale'an nu Tumpu’, ‘Kota' anu madi'mo daagi' nu pala'i nu Tumpu’.

YESAYA 66:21

Sambagian na aijo' aha Ku pojadimo imam tiba mian nu Lewi.

YEREMIA 13:11

Susumo lipa' kodo-kodo' sasa-sasa' hoso-hoson ilampeokan nu anu nompake ia, sumo aijo'mo na tanga'an-Ku da mian nu Israel tiba Yehuda sabole-bole ahi' totoong hoso-hoson mae hi beleng-Ku. Tiba jalan anu sumo aijo' aha timbalimo mian anu palesayamo hi beleng-Ku anu mohangkatmo sanggong-Ku da opuji' ka' oholomat. Panyo aha madi'mo ahi' mongka'oho' montuluti Aku.”

YEREMIA 2:3

O Israel, beleyum ola Aku na tumpunyo, batu nu kinyonyoangku anu Ku kanonongi. Ku potokamo mae na balaa' hi aha iwi-iwi' nonsaduakonmo beleyum da sinansala, Aku, Tumpu notataemo.”

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

HAGAI 2:5

Salatanmo belemiu nosabatmo mae lengkat i Mesir Aku binalajanji'mo saja' monjagai belemiu. Jadi boli belemiu bata-bata.

NOMBILANGMO 16:3

Aha hingga-hinggat nambamo nangadap hi Musa ka' hi Harun ka notatae, “Sukupmo aijo', Musa! Iwi-iwi' na aha mian Israel samata-mata baumo kapalaluan nu Tumpu, ka' Tumpu daagi'mo aiya hi kita iwi-iwi'. Panyo kadaka' beleyum monsangkamo butong nu beleyum lebe ko angga'nyo molingkudui mian anu pinalesayamo hi Tumpu?”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

1 KORINTUS 3:17

De ko anu mongidei Laigan nu Tumpu, Tumpu suele mongidei mian aijo'. Kalana Laigan nu Tumpu samata-mata ola Tumpu na tumpunyo, ka' laigan aijo' atina'mo komiu.

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 28:9

De belemiu montulutimo Tumpu Allah nu belemiu, ka' mombaumo palentah-Nyo iwi-iwi', belemiu opotimbalimo mian-Nyo anu pinalesayamo hi Ia, susumo anu jinanji'-Nyomo.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

1 TESALONIKA 5:27

Kalana kuasa nu Tumpu, ku poita sabole-bole da komiu mombasa'akon sulat aiya hi iwi-iwi' Utus anu sampo palesaya.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 20:6

Mohumpakmo ka'ima'an na to mia-mian anu po'ule'mo o potumuu' i bahagian anu momonanyo aijo'. Aha konanyomo na timbali anumo nu Tumpu. Kasilakan anu kopinduannyo madi'mo mongkuasai aha. Aha timbalimo to ima-imam nu Tumpu, ka' to ima-imam i Kristus; ka' aha mompalentahje tiba Ia kopinnyo samadala na taun.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”