NOSABATMO 19:5 - KITAB NU TUMPU ALLA LELE MA'IMAI'

⁵ Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 19:5 ပူးပေါင်းရင်းမြစ်များ

KAJADIAN 17:9

Tumpu Allah po'ule' mule' notatae hi Abraham, “Beleyum mule' tionyo ahi' tulu-tulutan hi palajanjian aijo'. Beleyum kabai mule' lee' nu beleyum sampe molundu-lundu na tulunan.

1 TOMU-TOMUNDO' 8:53

Belento o Tumpu Allah nompile'imo aha aijo' i bansa sangga'at iwi-iwi' da opotimbali mia anu pinalesayamo hi Belento, susumo anu tinaloakonmo nu Belento hi aha anu pinoto'imo hi Musa posaihon nu Belento aijo', tempo'nyo Belento nolaya' mae mompolee' mami nosabat lengkat mae i Mesir.”

1 TAWARIKH 17:22

Bansa Israel pinotimbalimo nu Belento mian anu pinalesayamo hi belento sampe toka sidu-sidutu'. Ka' belento O Tumpu tinimbalimo Tumpu Allah nu aha.

AYUB 41:11

Ihe na moko ala montumbuhi ia ka' madi' konaon? I dunia aiya madi' ko anu moko ala mombau sumo aijo'.

AYUB 41:3

Te ia timbali mongkakaase hi beleyum da ia opobebas? kabai monsale' hi beleyum mongkakaase da okalibosi?

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 23:22

De belemiu tulu-tulutan hi ia ka' mombau iwi-iwi' apaa na anu Ku palentahkon, Aku na mahampate mongewa sampobali' nu belemiu iwi-iwi'.

NOSABATMO 24:7

Lapas aijo' ingalanyomo na kitab palajanjian anu pinontulisan to pale-palentah nu Tumpu ka' binasa'nyomo daka-daka' hi bansa aijo'. Aha notataemo, “Kami montulutimo Tumpu ka' iwi-iwi' na palentahnyo obaumo mami.”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 8:22

Panyo tano' nu Gosyen madi' nu tokai, tampat kajojoongan nu mian anu pinalesayamo hi beleng-Ku. Kiijo' mae madi' nutokai nu lalo, da osumbu' nu belemiu saba' Aku, Tumpu, na nombaumo han aijo'.

NOSABATMO 9:29

Notataemo na i Musa hi Tomundo, “Malia-lia'je ku do'akon de aku tokamo i sambiha'nyo nu kota, ku tangkakonje na limangku mokiita' hi Tumpu. Gohung madi'mo lumontup ka' ujan eis madi'mo tudun, da nusumbu' nu belento Tuanku taalu', dunia aiya anu nu Tumpu.

NYANYIAN ANU TALASANGGO 8:12

ka' mohumpak ua' atu bau tambo nu lawenyo. Bakasmo na doi aijo' baumo bagi nu beleyum Salomo, ka' mule baumo bagi nu anu lewa' monjagai ale' nu beleyum nabahagian sangga'at Panyo ale' nu anggurku na aku ahi' na tumpunyo, aiya i ahopku.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YESAYA 43:1

O, Israel sumo uuka na koonyo nu Tumpu, “Akumo na nompotimbali ka' nontali'mo beleyum, boli mabuhuk, beleyum memang Ku posalamatmo! Aku nolagamo beleyum sinanggo na sanggo nu beleyum, beleyum Akumo na tumpu-Nyo.

YESAYA 56:4

Tumpu notatae hi aha, “De belemiu mompahatikan sinaa nu Sabat, de belemiu tulu-tulutan ahi' i palajanjian-Ku ka' mombau apaa na anu moko sanang kinyonyoang-Ku,

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 13:11

Susumo lipa' kodo-kodo' sasa-sasa' hoso-hoson ilampeokan nu anu nompake ia, sumo aijo'mo na tanga'an-Ku da mian nu Israel tiba Yehuda sabole-bole ahi' totoong hoso-hoson mae hi beleng-Ku. Tiba jalan anu sumo aijo' aha timbalimo mian anu palesayamo hi beleng-Ku anu mohangkatmo sanggong-Ku da opuji' ka' oholomat. Panyo aha madi'mo ahi' mongka'oho' montuluti Aku.”

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

AMOS 6:1

Silakamo na belemiu anu tumuu' ima-ima' i Sion, ka' belemiu anu mongoa'i sanang i Samaria, belemiu o to tua'a-tu'anyo nu mian da'isan nu bansa Israel anu talalo oholomati, belemiu anu biasa pomoitan tulung nu mian.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

1 KORINTUS 10:26

Kalana i uno nu Kitab nu Tumpu tinulismo, “Dunia aiya tiba iwi-iwi' na isinyo anu nu Tumpu.”

1 KORINTUS 10:28

Panyo de ko anu motatae hi beleyum, “Kaanon aiya sinombahkonmo hi pilogot,” bolimo mongkaan kaanon aijo', kalana montoa kapentingan nu mian aijo' tiba kalana monginau' anu uutu i kinyonyoa.

PO'ULE' INGULIT 10:14

Tumpu Allah nu belemiu ko langit-Nyo matangkas; ka' ko tano'-Nyo ka' iwi-iwi' apaa na anu daagi' aijo' i tano'.

PO'ULE' INGULIT 11:27

Belemiu mohumpak balakat de belemiu tulu-tulutan hi iwi-iwi' na palentah nu Tumpu Allah nu belemiu, anu pinoto'ingkumo sinaa aiya hi belemiu.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

PO'ULE' INGULIT 14:21

Binatang anu mosi pate madi' timbali okaan nu belemiu, panyo mian anu lengkat mae i salipu'an anu jojoong atina' hi belemiu timbali mongkaan kabai opobaluk hi bansa anu lengkat mae i salipu'an. Belemiu mian anu pinosi pogala'mo nu Tumpu Allah da mombau anu Nu pokauhakon. Antoknyo nu anak nu domba kabai anaknyo nu mee' madi' timbali o kola' tiba susu nu tinanyo.”

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 28:1

“De belemiu montuluti Tumpu Allah nu belemiu ka' saja' obau ima-ima' na palentah iwi-iwi' anu ku bee' hi belemiu sinaa aiya saba' ia mompotimbalije belemiu bansa anu talalo hondo talasanggo i dunia.

PO'ULE' INGULIT 28:9

De belemiu montulutimo Tumpu Allah nu belemiu, ka' mombaumo palentah-Nyo iwi-iwi', belemiu opotimbalimo mian-Nyo anu pinalesayamo hi Ia, susumo anu jinanji'-Nyomo.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 5:2

I Bungkutnyo nu Sinai Tumpu Allah-nto nonjanji'mo misa' ola hi mompolee'to,

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.

YOSUA 24:24

Lantas mian haha aijo' notataemo hi Yosua, “Kami palesayamo ka' mohongo-hongomo ola samata-mata hi Tumpu, Tumpu Allah-nto. Kami montulutimo palentah-Nyo iwi-iwi'.”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.