NOSABATMO 19:22 - KITAB NU TUMPU ALLA LELE MA'IMAI'

²² Ka' mule' to ima-imam anu mongka'oho' mongohani Aku, tionyo ahi' momposusi' butongnyo, de madi' aha Ku hukumo.”

NOSABATMO 19:22 ပူးပေါင်းရင်းမြစ်များ

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

SISIKON NU TO RASUL-RASUL 5:10

Tempo'nyo aitu mule' bengkele' i Ananias notua' ka' i nate i ahop i Petrus. Ka' tempo'nyo to oli-olitau aitu ninsoop, aha nontoa ia natemo. Lantas sinabatakon nu aha na bengkele'nyo ka' i lamun nu aha i sohipi' nu langkai'nyo.

SISIKON NU TO RASUL-RASUL 5:5

Salatan i Ananias nohongomo potatae aijo', ia notua' lantas natemo. Iwi-iwi' mian anu nohongo mongkona apaa na anu tinimbali aijo' i nabuhukmo.

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

2 TAWARIKH 30:15

I tanggan 14 bitu'onmo aijo' aha nongkolotmo manjoo' hondo na domba anu osombahkon salaku anu kolobanakon i Paskah. To ima-imam ka' to mia-mian nu Lewi anu daagi' mahenyu, na'ambangmo hondo. Aha nomposusi'mo butongnyo sahingga timbalimo nonsombahkon koloban anu opotunu i Laigan nu Tumpu.

1 TAWARIKH 15:13

Tempo'nyo Peti' aijo' palatamanyo i lalin, belemiu madi' ko anu i kiijo' da nomboa. Kalana aijo' Tumpu Allah-nto nohukummo kita kalana monsombah ia panyo madi' mombatuki pongka'oho'nyo.”

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 19:24

Tinaaman nu Tumpu, “Pintatau'mo, ka' po'ule 'minsusule' mae i aiya tiba i Harun. Panyo to ima-imam ka' layat madi' timbali so' molanggai tempas de aha mamba mae hi beleng-Ku. De aha so' mae molanggai, aha Ku hukumo.”

IMAMAT 21:6

Ia samata-matamo anung-Ku ka' mombau anu Ku palentahkon ka' madi'mo timbali mombusiki sanggong-Ku. Ia monsombahkon koloban kaanon hi beleng-Ku, jadi ia tionyo ahi' susi'.

NOMBILANGMO 11:18

Poto'imo uuka aiya hi bansa aijo'. Posusi'mo na butong nu belemiu dodop; belemiu mongkaanmo ponoha'. Tumpu nohongomo belemiu i humang ka' nososon, kalana belemiu ka'oho'mo mongkaan antok nu binatang ka' kantumuu'an nu belemiu lebemo sanang molingkuduimo tempo'nyo i Mesir. Uuka aiya Tumpu mombee'imo belemiu antok nu binatang, ka' okaanmo nu belemiu.