NOSABATMO 19:20 - KITAB NU TUMPU ALLA LELE MA'IMAI'

²⁰ Tumpu nintatau'mo aita' i bawo nu Bungkutnyo nu Sinai, ka' nolagamo i Musa da mokiita'mo i bawo nu bungkutnyo aijo'. Lantas i Musa nindakomo,

NOSABATMO 19:20 ပူးပေါင်းရင်းမြစ်များ

NEHEMIA 9:13

Lengkat mae i langit Belento nintatau'mo mae aita i Bungkutnyo nu Sinai, Lantas notataemo na Belento hi mian anu palesayamo hi Belento. Belento nombee'imo atulan, mosia na mongatun ka' mule' mosia na mompalentah, anu adin, adin ka' anu mingguna.

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

NOSABATMO 34:4

Lantas i Musa po'ule' nompa'at ohua' na batu, ka' dodododopnyo subu-subu hondo binoanyomo tinoka i Bungkutnyo nu Sinai susumo anu pinalentahkonmo nu Tumpu hi ia.

NOSABATMO 34:2

Potoukamo da dodop daagi' subu mindakomo i Bungkutnyo nu Sinai mangadap hi beleng-Ku i bawo nu bungkutnyo aijo'.

NOSABATMO 24:18

Lantas i Musa balomo nindako sampe ia ninsoopmo i uno nu kundom aijo'. Pinatompulu' na sinaa ka' pinatompulu' na pihi, na i Musa jinojoongmo i kiita' mae.

NOSABATMO 19:11

Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 19:3

ka' i Musa nindakomo i bungkutnyo aijo' mamba singkabot tiba Tumpu Allah. Tumpu notatae hi Musa i bungkutnyo aijo' ka' nompokaumo ia da mompoto'i hi aha mian nu Israel lee' mae i Yakub,

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

1 TOMU-TOMUNDO' 19:11

“Posabatmo mae atina' i liang,” na koonyo nu Tumpu hi ia, “tinjo aita' i bungkutnyo mongahopi mae Aku.” Lantas Tumpu notulumo kiijo', panyo mombun na momona notulu makansang hondo, sahingga to bungku-bungkutnyo nobiha'mo ka' to bungku-bungkutnyo nu batu noposo-poso'mo. Panyo Tumpu madi' nanintoa i mombun aijo'. I lapas na mombun aijo' tinoka mule' na luulu', panyo' hau-haunyo ko luulu' aijo', Tumpu madi' ahi' nanintoa.

NOSABATMO 24:15

I Musa nindakomo i Bungkutnyo nu Sinai, lantas ia sinaputmo nu kundom.