NOSABATMO 19:16 - KITAB NU TUMPU ALLA LELE MA'IMAI'

¹⁶ I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 19:16 ပူးပေါင်းရင်းမြစ်များ

2 SAMUEL 22:10

Langit biniha'-Nyomo lantas nintatau'mo na Ia, i kundom anu butolu hondo akaong i aluk nu tengke-Nyo.

AYUB 38:25

Ihe na nongkekeimo got bau po'ilian nu ujan anu talalo hondo mabohos, ka' nombee'i jalan bau potuluan nu gohung tiba kilat?

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 77:18

Kundom nontudunakonmo mae ujan, gohung dinolundunganmo; kilat pinojo-pojohonjitmo iyaya mae.

MAZMUR 81:8

Tempo'nyo belemiu sinusa'mo, belemiu notataemo mae nongkakase, sahingga aku nomposalamatmo belemiu. I uno nu gohung pipinaninsulukanku tinaamankumo mae na belemiu, inguji'kumo na belemiu i mata nu uee Meriba.

MAZMUR 97:4

Kilatnyo nonjingkaimo dunia, dunia ilakatnyomo na nontoa.

NOSABATMO 19:11

Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 19:17

Sinabatakonmo i Musa na aha da mamba singkabot tiba Tumpu Allah, lantas aha tinuminjomo i tengke nu bungkutnyo aijo'.

NOSABATMO 20:18

Salatan to mia-mian nohongomo gohung ka' onyi' nu tolompet, tiba mule' nontoamo kilat ka' bungkutnyo anu nintibukmo, aha i lakatnyomo ka' nabuhukmo ka' tinuminjomo aijo' mae jo'o-jo'on.

NOSABATMO 20:21

Panyo mian haha aijo' tataap satinjonyo aijo' mae jo'o-jo'on ka' ola i Musa na nongohanimo kundom anu pini-pinikatmo i tampat anu kinatokanmo nu Tumpu Allah.

NOSABATMO 40:34

Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 9:23

I Musa nontangkakonmo tokonnyo nokiita' sahingga Tumpu nompotokamo mae gohung ka' nontudunakonmo ujan eis, ka' kilat nontuda'mo dunia. Tumpu nompotokamo

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

NAHUM 1:3

Memang Tumpu madi' malia' pusa, panyo Ia mule' talalo ahi' balakuasa sahingga de ihe na mombau kasala'an, madi' Nu pobebas ihukuman. Iya mae na kalajangan nu Tumpu ikiijo' tokamo mae na antong anu daka' hond, itampat panimpeja'an nu tengke-Nyo ikiijo' abu' timbali kundom.

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

PO'ULE' INGULIT 5:5

Panyo kalana belemiu nabuhukmo i apu ka' madi'mo binaani na nindako i bungkutnyo, sahingga aku, tempo'nyo aitu tinuminjomo i olotnyo nu belemiu tiba Tumpu da nompotoka potatae nu Tumpu hi belemiu. Tumpu nompoto'i,

IBRANI 12:21

Apaa na anu tinoamo nu mian Israel haha aijo', talalo ahi' hondo okabangangi sahingga i Musa notataemo, “Aku nabuhukmo ka' i lakatnyomo!”

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.

ANU PINOTO'I HI YOHANES 11:19

Sahingga tinontuhea'mo na Laigan nu Tumpu i suluga' ka' kinantoaanmo na Peti' Palajanjian kiijo' i unonyo. Lantas tinokamo na kilat moto-moto taaman ka' onyi' nu gohung dolu-dolundungan, ka' pinoka-pokalapitmo, tiba luulu' ka' ujan eis anu mabohos hondo.

ANU PINOTO'I HI YOHANES 4:1

Lapas aijo' aku po'ule' mule' nontoa anu pinotoa mae. Aku nontoa sa'angu' na pontumban tinontuhea'mo i suluga'. Lapas aijo' kinahongoan mule' na potatae anu momonanyo noko basisikmo hi belengku sumo onyi' nu tolompet. Potatae aijo' tukoonyo, “Imbo' poliba' mae i aiya. Ku poto'ije hi beleyum apaa na anu timbali saidi' mae.”

ANU PINOTO'I HI YOHANES 4:5

I kasuhangan aijo' tinolopinjitmo mae na jingkalap nu kilat ka' lontup nu gohung anu pinode-podeledekmo. Ka' i ahop nu kasuhangan aijo' popitu' na pansona' anu moak, aijo'mo popitu' na Roh nu Tumpu Allah.

ANU PINOTO'I HI YOHANES 8:5

Lapas aijo', malaikat aijo' nongalamo pompapuan kamangian aijo' ka' ingisiannyo nu apu lengkat i mezbah aijo', lantas i lumbu'akonnyo i dunia. Sahingga gohung mule' i lumontupmo ka' kilat mule' noto-nototaamanmo, ka' mule' luulu'.