NOSABATMO 19:14 - KITAB NU TUMPU ALLA LELE MA'IMAI'

^14-15 Lapas aitu i Musa nintatau'mo mae lengkat i bungkutnyo ka' nompokaumo mian haha aijo' da mosadiamo monsombah. Ia notatae, “Hipuan komiu tionyo ahi' montanda'imo, ka' hau-haunyo uuka aiya belemiu ma'isa timbali moduhus.” Lantas bansa aijo' nontampu'unimo binasadia ka' nombaso'imo hude nu aha.

NOSABATMO 19:14 ပူးပေါင်းရင်းမြစ်များ

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

NOSABATMO 19:13

mian aijo' tionyo ahi opahambunu'akon nu batu kabai o pana' ka' madi' timbali o kanyang. Aiya obau hi manusia ka' sumo aitu mule' hi binatang; iwi-iwi' na anu so' molanggai tempas aijo' tionyo ahi o hukum mate. De ohongomo na tolompet onyi'nyo opomantanmo, mian haha aijo' tionyo mindakomo ahi' i bungkutnyo.”

1 SAMUEL 21:5

Tinaaman i Daud, “Tantumo aha madi' nombau anu ititina'. De kami mombaumo anu opalentahkon, suludadungku mondoso'akonmo hondo aijo' na aha da susi' susumo koonyo nu atulan nu agama, padahan aijo' ola palentah anu bisa saja' obau sansina-sinaa; ka' lebe-lebe mule' de palentah anu maboat susumo anu pinalentahkonmo aiya!”

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.