NOSABATMO 19:11 - KITAB NU TUMPU ALLA LELE MA'IMAI'

¹¹ Hipuan aha tionyo ahi' montanda'imo. I sinaa aijo' Aku mintatau'mo mae i Bungkutnyo nu Sinai, tampat anu timbali pontoan Aku.

NOSABATMO 19:11 ပူးပေါင်းရင်းမြစ်များ

KAJADIAN 11:5

Sahingga nintau'mo mae na Tumpu nontoa kota ka' menara anu pinotinjomo nu manusia.

NEHEMIA 9:13

Lengkat mae i langit Belento nintatau'mo mae aita i Bungkutnyo nu Sinai, Lantas notataemo na Belento hi mian anu palesayamo hi Belento. Belento nombee'imo atulan, mosia na mongatun ka' mule' mosia na mompalentah, anu adin, adin ka' anu mingguna.

MAZMUR 144:5

O, Tumpu, bukaimo mae na langit nu Belento ka' pintatau'mo mae, sintungmo na bungkutnyo iwi-iwi' da mintibukmo.

MAZMUR 18:9

Tibuk tinolosumbumo lengkat mae i bolo' nu sung-Nyo, apu ka' obanyo nosabatmo lengkat mae i nganga'-Nyo.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

NOSABATMO 19:20

Tumpu nintatau'mo aita' i bawo nu Bungkutnyo nu Sinai, ka' nolagamo i Musa da mokiita'mo i bawo nu bungkutnyo aijo'. Lantas i Musa nindakomo,

NOSABATMO 24:16

Jingka nu Tumpu kalana nintatau'mo mae aita' i bungkutnyo aijo', ka' tinoamo nu aha mian nu Israel, sumomo apu anu i noakmo aita' i bawo nu bungkutnyo. Inganomsinaa na kinopinnyo na kundom nonsaput bawo nu bungkutnyo aijo' ka' salatan tinokamo i sinaa kino ipitunnyomo, Tumpu nolagamo i Musa potatae-Nyo lengkat mae i uno nu kundom aijo'.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 34:2

Potoukamo da dodop daagi' subu mindakomo i Bungkutnyo nu Sinai mangadap hi beleng-Ku i bawo nu bungkutnyo aijo'.

NOSABATMO 34:5

Sahingga nintatau'mo mae na Tumpu i uno nu kundom: Ia tinuminjomo tiba i Musa i tampat aijo' ka' nonsanggomo sanggonyo anu susi' aijo'mo Tumpu.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

YOSUA 3:5

I Yosua notataemo hi aha mian nu Israel, “Tionyo ahi' belemiu mompokolonde butong, kalana dodop Tumpu mompotoamo anu okabangangi aiya hi belemiu.”