NOSABATMO 19:10 - KITAB NU TUMPU ALLA LELE MA'IMAI'

¹⁰ Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 19:10 ပူးပေါင်းရင်းမြစ်များ

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

2 SAMUEL 19:24

Ka' suele i Mefiboset makumpu i Saul tinokamo da suele molabot i tomundo'. Ia madi'mo toho' nombaso'i tengkenyo, madi'mo toho' nonggunting jangkutnyo ka' madi'mo toho' nombaso'i baju'nyo salatanmo pe'e i Tomundo' Daud nompala'imo Yerusalem, sampe ia po ule'mo ninsusule' mae ma'i-ma'ima' madi' ko anu nompoposia.

2 TAWARIKH 29:34

To ima-imam anu nomposusi'mo butongnyo madi' da'isan na mongkiliti binatang haha aijo'. Kalana aitu aha tinulunganmo nu to mia-mian Lewi, kalana mian nu Lewi na talalo tulu-tulutan hi atulan nu momposusi'. Aha tataap montulungi sampeje sukupmo na imam anu momposusi'mo butongnyo.

2 TAWARIKH 29:5

ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

IMAMAT 15:5

Ihe na monsala' kanyang mian anu, ko anu i lumene mae aijo' kabai anu kinahoyotannyo aijo', kabai sinumuhang i tampat kinasuhangannyo, kabai anu pinitupe'an nu mian aijo', ia tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

NOMBILANGMO 11:18

Poto'imo uuka aiya hi bansa aijo'. Posusi'mo na butong nu belemiu dodop; belemiu mongkaanmo ponoha'. Tumpu nohongomo belemiu i humang ka' nososon, kalana belemiu ka'oho'mo mongkaan antok nu binatang ka' kantumuu'an nu belemiu lebemo sanang molingkuduimo tempo'nyo i Mesir. Uuka aiya Tumpu mombee'imo belemiu antok nu binatang, ka' okaanmo nu belemiu.

NOMBILANGMO 19:19

Ia tionyo ahi' mompipi'i i sinaa ko itolunnyo ka' ko ipitunnyo. I sinaa ko ipitunnyo aijo' lapasmo na atulannyo momposusi' mian anu nahumimi'mo aijo'. Mian aijo' tionyo ahi' mombaso'imo baju'nyo ka' mindii'mo. Mulai sinaa makakinsapmo ia belesi'mo.

NOMBILANGMO 31:24

I sinaa ko ipitunnyo belemiu tionyo ahi' mombaso'imo baju' nu belemiu atina'je ka' belemiu madi'mo mahumimi' ka' timbalimo minsoop i kemah.”

NOMBILANGMO 8:21

Mian nu Lewi haha aijo' nombaumo atulannyo momposusi' butong ka' nombaso'imo baju' nu aha, lantas i Harun nonsombahkonmo aha salaku anu obee'mo samata-mata hi Tumpu. Ia nombaumo suele atulannyo momposusi' kona hi aha.

NOMBILANGMO 8:7

sumo uuka na mombau: Paha pipi' na aha nu uee anu bau pomposusi' ka' pokau na aha mongkis songko-songko na butong ka' mombaso'i butong nu aha. Tiba jalan sumo aijo' aha belesi'mo.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

YOSUA 3:5

I Yosua notataemo hi aha mian nu Israel, “Tionyo ahi' belemiu mompokolonde butong, kalana dodop Tumpu mompotoamo anu okabangangi aiya hi belemiu.”

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.